არშის ჩანჩქერი მდებარეობს ყაზბეგში, სოფელ არშაში. სოფელი არშა ყაზბეგიდან 5კმ-ით არის დაშორებული. სოფლიდან ჩანჩქერისკენ მიმავალი ბილიკი კი დაახლოებით 2 კმ-ია. აქ მდინარე არშისწყალზე ორი ჩანჩქერია. პირველი სოფლიდან არ მოსჩანს, ბილიკზე მიმავალი მოულოდნელად შეხვდებით, მეორე ზემოთ მდებარე ჩანჩქერს ,,ქალის თმას" უწოდებენ. ეს უკანასკნელი კლდეზე ისე ჩამოედინება, მართლაც ქალის დალალებს მოგაგონებთ. სოფელ არშაში ასევე მდებარეობს XVI-XVII   საუკუნეების არშის ციხე.