ძულუხი

სოფელი ძულუხი იმერეთის მხარეში, ვანის მუნიციპალიტეტში მდებარეობს, მდინარე ძულუხურის მარცხენა მხარეს, ზღვის დონიდან 240 მეტრზე. ძულუხი ვანიდან დაშორებულია 15 კმ-ით. სოფლის განაპირას, მელოურის მთაზე მელოურის ციხე და XIV საუკუნის მელოურის ეკლესია დგას. ციხე-სიმაგრის გალავანს შიგნით სხვადასხვა დანიშნულების სათავსები ყოფილა განლაგებული და ციხიდან მდინარისკენ მიდიოდა გვირაბი.
ძულუხში 2014 წლის მონაცემებით 418 ადამიანი ცხოვრობს. სოფელში მიდის სამანქანო გზა.