ისთ ფოინთი - სავაჭრო და გასართობი ქალაქი

გართობა

დედაქალაქის ერთ-ერთი ყველაზე მასშტაბური სავაჭრო ცენტრი გამოირჩევა გასართობი ზონების სიმრავლითა და მრავალფეროვნებით. აქ შეხვდებით ბავშვთა ატრაქციონებით სავსე მთელ სართულს, თუმცა არც უფროსები დარჩებიან მოწყენილნი, ბოულინგისა და ბილიარდის დარბაზები მათაც გაახალისებს.

კავეას კინოთეატრთა ქსელს ისთ ფოინთში სიდიდითა და ტექნიკური უზრუნველყოფით გამორჩეული ფილიალი აქვს. ყველაზე ხარისხიანი ხმის სისტემა და უზარმაზარი 3D მონიტორი ერთიანდება IMAX დარბაზში, რაც აუცილებლად თავად უნდა გამოსცადოთ!

შოპინგი

მრავალშენობიაბ სავაჭრო კომპლექსში წარმოდგენილია აქსესუარების, ყველა ტიპის სამოსისა და ტექნიკის ბრენდები. ამავე სივრცეშია ჰიპერმარკეტ კარფურის ქსელის ერთ-ერთი ყველაზე დიდი ფილიალი და საყოფაცხოვრებო/სამშენებლო მასალების ფართომასშტაბიანი დისტრიბუტორი კომპანია დომინო.

კვება

კვების ობიექტთა შორის შეხვდებით როგორც სწრაფი კვების დაწესებულებებს, ასევე რესტორანსა და ჯანსაღი კვების პრომოუტერ კომპანიებს. სავაჭრო და გასართობ ქალაქში არის მაკდონალდსი, ვენდი, თუმცა ქართული ტრადიციული კერძების დაგემოვნების მსურველებიც არ დარჩებიან გაწბილებულნი, მათ რესტორანი ტაბლა მიიპატიჟებს.

ტრანსპორტი

ისთ ფოინთი ქალაქის უკიდურეს აღმოსავლეთშია, თუმცა ტრანსპორტი, რომლითაც იქ მისვლას შეძლებთ საკმაოდ მრავალფეროვანია. თბილისის სხვადასხვა უბნიდან სამარშუტო ტაქსითა და ტაქსით, მეტროსა და ავტობუსის კომბინაციით ადვილად მოხვდებით სავაჭრო და გასართობ ქალაქში. საზოგადოებრივი ტრანსპორტით სარგებლობის საფასური თითო მგზავრობაზე 1 ლარს არ აღემატება. ქალაქის ცენტრიდან ტაქსის მომსახურება საშუალოდ 10 ლარი ღირს, გარეუბნებიდან 15.

საკუთარი ავტომობილით გადაადგილების შემთხვევაში პარკინგზე დარდი არ მოგიწევთ. ისთ ფოინთს რამდენიმე საკმაოდ დიდი უფასო ავტოსადგომი აქვს. აქ ასევე შეხვდებით ელექტრო ავტომობილების დასატენ მოწყობილობასაც.

სავაჭრო და გასართობი ქალაქი ისთ ფოინთის შესახებ დამატებითი ინფორმაციისთვის ეწვიეთ ბმულს: https://ny.eastpoint.ge/