IMAG5651

ნინოსხევის ჩანჩქერი (გურგენიანის ჩანჩქერი)

ჩანჩქერი

ნინოსხევის ჩანჩქერი (გურგენიანის ჩანჩქერი)ს შესახებ


საუკეთესო პერიოდი: გაზაფხული, ზაფხული, შემოდგომა

გურგენიანის ჩანჩქერი მდებარეობს კახეთში, სოფელი გურგენიანიდან 5 კმ -ს დაშორებით, მდინარე ნინოსხევზე. სოფელი გურგენიანი ლაგოდეხთან ახლოს მდებარეობს და აქ მოხვედრა სამარშრუტო ტაქსითაც შეგიძლიათ. 

ჩანჩქერი 40 მეტრი სიმაღლისაა და ნამდვილად ულამაზეს სანახაობას გვთავაზობს. მსურველებს შეუძლიათ ჩანჩქერის თავზეც კი მოექცნენ და იქედან ადევნონ თვალი როგორ მოსჩქეფს მდინარე ნინოსხევი 40 მეტრიანი კლდიდან. თუმცა ჩანჩქერთან მისასვლელი ბილიკი არც ისე მარტივია გამოუცდელი მოლაშქრეებისათვის. გზად შეიძლება რამდენჯერმე მოგიწიოთ მდინარის გადაკვეთა, რადგან გაზაფხულზე ეს თითქოს და ერთი ციცქნა მდინარე ხშირად დიდდება და მიაქვს ყველაფერი, რაც ხელთ მოხვდება, მათ შორის ხიდები, ქვები, ლოდები, ნაგავი და ა.შ. ასევე ხშირად მოგიწევთ სველ ლოდებსა და ქვებზე სიარული, ამიტომ სასურველია გამოიყენოთ მოქნილი, სპორტული ფეხსაცმელი. 

ხეობაში შეხვდებით უამრავ საინტერესო მცენარეს: ლაგოდეხის ნაღველას, ლაგოდეხის თეთრყვავილას, იულიას ფურუსულას, ჯონჯოლს, ლაფანს, წაბლს, ქართულ მუხას და სხვა. ასევე თუ გაგიმართლათ შეიძლება შველს, ირემს ან გარეულ ღორსაც კი გადაეყაროთ. ლაგოდეხის დაცული ტერიტორიები ამ მხრივ ძალიან მდიდარია. 

გაითვალისწინეთ, რომ იქ სადაც საფეხმავლო ბილიკი იწყება, ადგილობრივი მოსახლეობა ხშირად გამოდის საქეიფოდ, ძალიან უყვართ მდინარეში მაგიდების ჩადგმა და ღვინის სმა. სამწუხაროდ ეს უზომო სმის ტრადიცია ჯერ კიდევ ვერ მოვიშალეთ ქართველებმა და ყველა სიკეთესთან ერთად ნასუფრალის ალაგებასაც იშვიათად თუ იკადრებს ვინმე. ამის გამო ხეობის დასაწყისში მრავლად შეხვდებით ნაგავსა და ნასუფრალს. თუ გაქვთ საშუალება, კარგი იქნება წაიღოთ ნაგვის პარკები და მცირედ მაინც დაასუფთავოთ იქაურობა. მართალია ამ გზით ბოლომდე ვერასოდეს დავასუფთავებთ ამ ადგილს, მაგრამ იქნებ რომელიმე გონებაგახსნილმა ადგილობრივმა დაინახოს ეს, მაგალითი აიღოს და სხვისას თუ არ დაასუფთავებს თვითონ მაინც არ დაანაგვიანოს.

აქვე ახლოს შეგიძლიათ მოინახულოთ როჭოს ჩანჩქერი ხოლო თუ მეტი დრო და ძალა გაქვთ აუცილებლად ეწვიეთ ლაგოდეხის ულამაზეს და ერთ-ერთ ურთულეს სალაშქრო მარშრუტს: შავი კლდეების ტბა

მდებარეობა
41.897901, 46.267076
იხილეთ ასევე

იხილეთ ასევე

როჭოს ჩანჩქერი მდებარეობს ლაგოდეხის დაცულ ტერიტორიებზე, ლაგოდეხთან ძალიან ახლოს. აქ მოხვედრა შეგიძლიათ როგორც მანქანით, ისე სამარშრუტო ტაქსით. ჩა...

შავი კლდეების ტბა მდებარეობს კახეთში, საქართველო-რუსეთის საზღვარზე. მას ასევე ეწოდება გრძელი ტბა. იგი მდებარეობს კავკასიონის მთავარ წყალგამყოფ ქედზე, ...

კახეთი საქარველოს ყველაზე დიდი რეგიონია. ის განსხვავებულია ყველა სხვა რეგიონისგან. სიტყვა “კახეთის” ხსენებისას, თავში ავტომატურად ტივტივდება “ყურ...

ქალაქი სიღნაღი მდებარეობს კახეთის ულამაზეს კუთხეში - ქიზიყში. ქალაქი ზემოდან დაჰყურებს ულამაზეს ალაზნის ველს და კარგ ამინდში საოცარი ხედებით აჯილდოებს...

review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე

დასვი კითხვა

შეაფასეთ ადგილი

საშინელი!

ცუდი!

კარგი!

ძალიან კარგი!

შესანიშნავი!