სა-ზღვარზე: ბილიკი ხევსურეთიდან თუშეთში

ლაშქრობა ცხენტური

კახეთი, ახმეტა (იხილეთ რუკაზე)

სა-ზღვარზე: ბილიკი ხევსურეთიდან თუშეთშის შესახებ

საუკეთესო პერიოდი: ზაფხული

ბილიკი იწყება ხევსურეთიდან, კერძოდ სოფელი მუცოდან და მთავრდება თუშეთის დაბა ომალოში. მარშრუტი მოიცავს აწუნთას უღელტეხილს, დართლოს რამდენიმე სოფელს, ნაყაიჩოს უღელეტეხილსა და მაკრატელას ქედს.

მოკლე აღწერა: ბილიკი იწყება ხევსურეთიდან, კერძოდ სოფელი მუცოდან და მთავრდება თუშეთის დაბა ომალოში. მარშრუტი მოიცავს აწუნთას უღელტეხილს, დართლოს რამდენიმე სოფელს, ნაყაიჩოს უღელეტეხილსა და მაკრატელას ქედს.

გეგმა:

დღე 1 -

დღეპირველი - საფეხმავლო მარშრუტი იწყება მიღმახევის სოფელი მუცოდან და მიემართება სოფელი არდოტის გავლით სოფელი ბახაოსკენ. სოფელი ბახაოდან ბილიკი ქედზე აგიყვანთ. ბილიკი შეიძლება დაკარგოთ და არ შეგეშინდეთ მთავარია ქედზე ახვიდეთ და ამისთვის ყველაზე მოსახერხებელი მისადგომი აირჩიოთ. ქედზე ასულებს თქვენ წინაშე გადაიშლება კავკასიონი და მიღმახევი თავისი მედიდურობით. თვალწარმტაცი ხედი მთელი გზა თქვენთან დარჩება და განგიქარვებთ აღმართით გამოწვეულ დაღლილობას. ბილიკი ქედს მიუყვება, გზად შეხვდებით მესაძღვრეებს საიდანაც მარშრუტი ნელ-ნელა მთის ფერდობს გაყვება. კვალი კარგად ემჩნევა და გზის აბნევის ნაკლები საშიშროებაა. სანამ უღელტეხილის ფერდობს შეუდგებოდეთ ვრცელი ადგილია დასაბანაკლებად და გამოსაძინებლად. საკმაოდ დიდი მანძილი დაფარეთ და უმჯობესია დაისვენოთ, რათა ენერგიები მოიკრიბოთ უღელტეხილისთვის.

დღე 2 -

მეორე დღეს - თქვენ უნდა შეერკინოთ უღელტეხილის. მოემზადეთ და ერთი დღის საკმარისი წყალი მოიმარაგეთ, რადგან უღელტეხილამდე და უღელტეხილის მერეც სანამ ნაშალს არ გასცდებით წყალი აღარ შეგხვდებათ. აღმართი რთულია და უმჯობესია ფრთხილად იაროთ გასავლელი კიდევ ბევრი გაქვთ. საბანაკედან უღელტეხილზე ასასვლელათ 2-3 საათი დაგჭირდებათ. უღელტეხილზე შეისვენეთ დატკბით ულამაზესი ხედებით ხევსურეთსა და თუშეთზე. ბილი დაღმართზეც კარგად ეტყობა, თუმცა ნაშალი არ მოგცემთ მოდუნების საშუალებას. დაბლა ჩამოსულებს კი ნაკადული შეგხვდებათ სადაც შეგიძლიათ წყლის მარაგი შეივსოთ, თუმცა წყალი აქ უკვე უხვადაა და არ დაგჭირდებათ ჭურჭელის ბოლომდე ავსება.დარჩენილი გზა მოკლე არ არის, თუმცა სასიარულო უფრო მარტივია. მეორე დღის ბოლოსთვის საბანაკე ადგილის შერჩევა არ გაგიჭირდებათ. ადგილი ბევრია: 1. აწუნთის ძირში თუშეთის მხარეს; 2. მესაზღვრეების პირველი ქოხის გადმოსწორ; 3. რეინჯერების ქოხთან. პირადად მეორე ან მესამე ვარიანტს ავირჩევდი.

დღე 3 -

მესამე დღე - თქვენი მიზანია მიაღწიოთ ნაყაიჩოს უღელტეხილის მისადგომებთან, ბილიკი მარტივია და განვლი გზიდან გამომდინარე სეირნობად მოგეჩვენებათ. პირველად შეგხვდებათ სოფელი ჭონთიო, რომელსაც ჩემი აზრით ყველაზე მეტად აქვს პირველყოფილი სახე შემორჩენილი. გზად გაივლით სოფელ გირევს სადაც შეგიძლიათ სასურსათო მარაგი შეივსოთ და გზა გააგრძელოთ. არ დაგავიწყდეთ გირევში მესაზღვრეებთან მისვლა რათა დაფიქსირდეთ რომ დატოვეთ სასაზღვრო ზონა. მესამე დღე ნაყაიჩოს უღელტეხილის დასაწყისთან გაატარეთ. პატარა ხევი მოედინება და მშვენიერი საბანაკეა.

დღე 4 -

მეოთხე დღე - დილა მძიმედ დაიწყება და მოგიწევთ ახვიდეთ ნაყაიჩოს უღელტეხილზე თუმცა ძალისხმევა ამად ღირს. უღელტეხილზე ასულებს თქვენს თვალ წინ გადაიშლება თუშეთის დიდი ნაწილი. ბილიკი მიუყვება მაკრატელას ქედს, რომლის ერთ მხარესაც წოვათუშეთი და გომეწერია, ხოლო მეორე მხარეს - დართლო. პანორამული ბილი გვირგვინდება ზემო ომალოში სადაც შეგიძლიათ მოინახულოთ კესელოს ციხე.

თეგები: #ლაშქრობა #ცხენტური #ცხენი #ჯირითი #მხედარი #trekking #Backpacking #სათავგადასავლო ტურები

ახლოს მდებარე შეთავაზებები

ყველას ნახვა

სათავგადასავლო ტურები

ერთდღიანი ტური ჯუთაში

2 Locations

42.600292, 45.211498
42.377901, 45.630535

ხანგრძლივობა: 4 დღე

ჯამური მანძილი: 60 კმ

სირთულე: საშუალო

მანძილი

164კმ თბილისიდან
156კმ ახმეტიდან
188კმ თბილისის საერთაშორისო აეროპორტიდან

დაიქირავე გიდი

ჩვენი გიდები მზად არიან დაგეხმარონ ამ ადგილის მონახულებაში

+60

რუკა

სად დავრჩეთ კახეთში

ყველას ნახვა

სასტუმრო "სეროდანი"

1 შეფასება

რესტორანი · სასტუმრო · კოტეჯი

ბერხევა გლემპინგი - Berkheva Glamping

სოფელი · საცხოვრებელი · საოჯახო სასტუმრო · მარანი / მეღვინეობა · გლემფინგი

გალავნის კარი

სასტუმრო

ბლუზვილიჯი

სასტუმრო · კოტეჯი

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა

იგივე მარშუტს თუშეთდან ხევსურეთამდე რამე სირთულე ხომ არ ემატება და რამდენად რეკომენდირებულია?

ამ ბილიკის გავლა ორივე მიმართულებით შეიძლება. თუშეთიდან თუ წახვალ სავარაუდოდ პირდაპირ გირევიდან დაიწყებ ფეხით სიარულს რადგან ტრანსპორტი მიდის გირევამდე.

hello, what is de price of the 4 day trekking Kevsureti to Tusheti

Good day Nadya, you can contact guides on our page, and they will tell you what will be the price and all the details about the tour.
https://georgiantravelguide.com/en/guides?&categories=1,2