თბილისის ზღვის კლუბი

თბილისის ზღვის კლუბი ქალაქის ერთ-ერთი პოპულარული ადგილია და ის თბილისის ზღვის ნაპირას, პატარა, ლამაზ კონცხზე მდებარეობს. აქ შეგიძლიათ მზის გულზე პლაჟზე დასვენება, მოწყობილია ბუნგალოები, წყლის სასრიალო, ბავშვთა მოედნები და აუზები. თბილისის ზღვის კლუბი ასევე გთავაზობთ წყლის თხილამურებით სრიალს, იალქნიან ნავებს და კატერებს ზღვაზე გასასეირნებლად, დაივინგს და წყლის პარაშუტით ფრენას. აქვე შესაძლებელია იალქნიანი ნავის მართვის, წყლის თხილამურებით სრიალისა და წყალქვეშა ცურვის შესწავლაც. თბილისის ზღვის კლუბში უსაფრთხო, მრავალფეროვანი და კეთილმოწყობილი გარემოა ნებისმიერი ასაკის ადამიანისთვის. აქ მხიარულად, აქტიურად გაატარებთ დროს და განიტვირთებით. კლუბი შესანიშნავია ოჯახთან და ბავშვებთან ერთად დასვენებისთვისაც.

თბილისის ზღვის კლუბში ქორწილების, დაბადებისდღეების, კონფერენციების და სხვადასხვა ღონისძიებების მოწყობაც შესაძლებელია. კლუბი გთავაზობთ ეფექტური გარემოს, რესტორანს 1000 პერსონაზე, თანამედროვე ტექნიკას, დღისა და ღამის პროგრამებს, გასართობ პროგრამებს ინდივიდუალური დაგეგმარებით, ფეიერვერკს და სხვა საჭირო მომსახურებებს, რათა დაუვიწყარი გახადოთ თქვენი ცხოვრების მნიშვნელოვანი დღე. თუკი დატვირთული გრაფიკი გაქვთ და დასასვენებლად წასვლას ვერ ახერხებთ, თბილისის ზღვის კლუბი ქმნის გარემოს, სადაც ქალაქიდან გაუსვლელად შეძლებთ დაკავდეთ აქტიური სპორტით, განიტვირთოთ და დატკბეთ ლამაზი, კეთილმოწყობილი პლაჟით. აქ ნებისმიერი ასაკის ადამიანი იპოვნის მისთვის სასიამოვნო და კომფორტულ სივრცეს.