ერთ დღიანი ტური, რაჭა-ცხრაჯვარი

სათავგადასავლო ტურები

რაჭა, ამბროლაური (იხილეთ რუკაზე)

ერთ დღიანი ტური, რაჭა-ცხრაჯვარის შესახებ

საუკეთესო პერიოდი: შემოდგომა

ეძებ თავგადასავალს? გინდა საინტერესოდ გაატარო შემოდგომის ოქროსფერი დღეები და ამისთვის შესაბამისი ადგილი იპოვო? მაშინ, ეს ტური შენთვისაა !

კომპანია "GTG TOUR" გთავაზობთ დაუვიწყარ 1 დღიან ტურს რაჭასა და ზემო იმერეთში. დაჯავშნე ახლავე და მოემზადე დაუვიწყარი თავგადასავლებისთვის!

ტური იწყება თბილისში, მოვინახულებთ ცხრაჯვარს - წმინდა გიორგის სახელობის სალოცავს, ზღვის დონიდან 1500 მეტრზე, ნაქერალას უღელტეხილთან, ტყიბულის თავზე აზიდულ მთაზე, იმერეთის მხარეში. არსებობს ლეგენდა რომლის მიხედვითაც, ერთ-ერთი ოჯახიდან ომში 9 ვაჟი წავიდა. ვაჟების მამა ყოველდღიურად ლოცულობდა, რომ ვაჟები უვნებლად დაბრუნებულიყვნენ შინ. მამამ გადაწყვიტა შესაწირი გააკეთებინა და ტყიბულის მთებზე ჯვარი აღემართა. მან საკუთარი მხრებით აიტანა მთაზე 9 ჯვარი და სალოცავი გააკეთა. მეორე მსოფლიო ომის დასრულების შემდეგ ყველა ვაჟი შინ უვნებელი დაბრუნდა. მას შემდეგ ამ სალოცავს მნახველი არ მოჰკლებია.

ასევე მოვინახულებთ შაორის წყალსაცავს,რომელიც უდიდესია რაჭა-ლეჩხუმსა და ზემო სვანეთში,ნატიფი ჩუქურთმებით მორთულ ბარაკონისა და ნიკორწმინდის ეკლესიებს, რომელთა სილამაზე დაგამუნჯებთ ! და ბოლოს სიყვარულის ჩანჩქერი, რომელიც აუცილებლად უნდა ნახოთ და ლეგენდები საკუთარ თავზე გამოსცადოთ !

უსაფრთხოება

ჩვენი გუნდის მთავარი ამოცანაა ტურმა ჩაიაროს ხარვეზების გარეშე. ჩვენ ვიზრუნებთ გამართული მიკროავტობუსით და გამოცდილი მძღოლით, თქვენს უსაფრთხო გადაადგილებაზე. ამიტომ გზაში არ ვსვამთ, არ ვცეკვავთ მოძრავ ტრანსპორტში და ტურის შეკრების ადგილზე არ მოვდივართ ნასვამ მდგომარეობაში.

რა უნდა გაითვალისწინოთ

ჩაიცვით სპორტული/მოსახერხებელი სამოსი. სასურველია, იქონიოთ საწვიმარი. ფეხზე ჩაიცვით მოხერხებული და დაბალი ფეხსაცმელი, რათა ცხრაჯვარზე გადაადგილება არ გაგიჭირდეთ..

სირთულე

ტური არის საშუალო სირთულის და არ საჭიროებს განსაკუთრებულ ფიზიკურ მომზადებაას. .ფეხით გასავლელი მანძილი ჯამში არის 3 კმ.

გეგმა:

დღის გეგმა

თბილისიდან ვიწყებთ ტურს დილის 6:30 საათზე, გზაში ვჩერდებით ორჯერ შესვენებისთვის და სხვადასხვა საჭიროებებისთვის. 12 საათზე შევუდგებით საფეხმავლო ბილიკს ცხრაჯვარისკენ, წინ შეუდარებელი ხედები გველოდება ტყიბულზე .ცხრაჯვარი მდებარეობს ნაქერალას უღელტეხილთან, სადაც გადის ტყიბული - ამბროლაურის დამაკავშირებელი საავტომობილო გზა.ზღვის დონიდან 1500 მეტრზე, ნაქერალას უღელტეხილთან, ტყიბულის თავზე აზიდულ მთაზე.
შემდეგ გავემართებით შაორის წყალსაცავისკენ და გადავიღებთ ულამაზეს ფოტოებს, სიყვითლეშეპარულ ულამაზეს ადგილებში ,
შემდეგი ობიექტია ბარაკონის ტაძარი — ძველი ქართული გუმბათოვანი ხუროთმოძღვრების ერთ-ერთი უკანასკნელი მნიშვნელოვანი ძეგლი რაჭაში, ამბროლაურის მუნიციპალიტეტში, სოფელ წესთან. ბარაკონი მდინარეების, ლუხუნისა და რიონის შესართავთან მდებარეობს, რის გამოც მას სვეტიცხოველს ადარებენ.
ასევე დღის მიწურულს ვნახავთ ნიკორწმინდას, რომელიც ეროვნული ხუროთმოძღვრების შედევრია. აგებულია XI საუკუნის დასაწყისში, 1010-1014 წლებში. ეს ის პერიოდია, როცა დიდი ყურადღება ექცეოდა ფასადების დეკორაციულ გაფორმებას. სწორედ ამ მხრივ ნიკორწმინდის დეკორი ქართული მონუმენტური პლასტიკის მიღწევაა.
დღის ბოლოს კი სიყვარულის ჩანჩქერის ლეგენდებს და სასწაულებს საკუთარ თავზე გამოვცდით !
ამის შემდეგ სასიამოვნოდ დაღლილები ვბრუნდებით თბილისში.

ცხრაჯვარი

2 შეფასება

ეკლესია / მონასტერი

ბარაკონის ღვთისმშობლის ეკლესია

1 შეფასება

ეკლესია / მონასტერი

ნიკორწმინდა, რაჭა - Nikortsminda Church, Racha

ნიკორწმინდის ტაძარი

ეკლესია / მონასტერი

შაორის წყალსაცავი

წყალსაცავი

ტრანსპორტი:

ტურის განმავლობაში ვიმგზავრებთ კომფორტული, გამართული მიკროავტობუსით.

თეგები: #სათავგადასავლო ტურები #კომერციული შეთავაზება

შეხვედრის ადგილი

თბილისი, მეტრო დიდუბის ზედა ამოსასვლელი.

შეთავაზება დასრულებულია

ენა: ქართული

რას მოიცავს

ტრანსპორტირება
გიდი

რას არ მოიცავს

კვება

დაჯავშნილია: 0 / 19

+995 599 31 80 15

ხანგრძლივობა: 1 დღე

ჯამური მანძილი: 3 კმ

სირთულე: საშუალო

საჭირო აღჭურვილობა

საწვიმარი
სათადარიგო მშრალი სამოსი

გასათვალისწინებელი პირობები:

🔹 არ ვყრით ნაგავს
🔹 არ ვსვამთ ალკოჰოლურ სასმელს სალაშქრო სვლის დროს
🔹 ვმოქმედებთ ჯგუფურად და ვითვალისწინებთ ორგანიზატორის მითითებებს
🔹 არ ვბილწსიტყვაობთ
🔹 აუცილებელია სპორტული ფეხსაცმელი
🔹 აუცილებელია კარგი განწყობა ^_^

გაუქმების პოლიტიკა

ჯავშნის გაუქმება შესაძლებელია ავტომატურ რეჟიმში ნებისმიერ დროს, მომსახურების დაწყებამდე. გაუქმების საკომისიო თარიღების მიხედვით იხილეთ ქვემოთ. ონლაინ გადახდის შემთხვევაში, თანხა დაგიბრუნდებათ 7 სამუშაო დღეში იმავე ბარათზე, რომლიდანაც შეასრულეთ გადახდა.