DJI_0481

ქარელი

21
ტურისტული ადგილი
702 Area
ფართობი, კმ2
41,145 Population
მოსახლეობა

ქარელის შესახებ


საუკეთესო პერიოდი: ყველა სეზონი

ქარელი შიდა ქართლის მხარეში მდებარე მუნიციპალიტეტია. აქ ადამიანის ცხოვრების კვალი ჯერ კიდევ ადრეული ბრინჯაოს ხანიდან იწყება. ამის დასტური სოფელ დოღლაურში აღმოჩენილი მრავალფენიანი ისტორიული ძეგლია, სადაც ანტიკური, ადრე რკინის, გვიან ბრინჯაოს და ადრე ბრინჯაოს ხანის ფენებია გამოვლენილი. ქარელი, როგორც განვითარებული საქალაქო ცენტრი, ისტორიულ წყაროებში პირველად XVI-XVII საუკუნეებში იხსენიება. მას მრავალი ისტორიული ფაქტი უკავშირდება, როგორიცაა: რუის-ურბნისის საეკლესიო კრება 1103 წელს, არადეთის ბრძოლა - 1483 წელს და სხვა. დღევანდელი ქარელის  უდიდესი ნაწილი ციციშვილების სათავადოში-საციციანოში შედიოდა, სადაც ცხოვრობდა და მოღვაწეობდა ზაზა ფანასკერტელ-ციციშვილი, სამხედრო-პოლიტიკური, კულტურულ-საგანმანათლებლო და სამედიცინო მოღვაწე, აღმშენებელი და მეცნიერი, ავტორი სამკურნალო წიგნისა - „კარაბადინი“. დღესდღეობით ქარელზე გადის ამიერკავკასიის რკინიგზის მთავარი მაგისტრალი და საავტომობილო გზები. მუნიციპალიტეტში განვითარებულია სოფლის მეურნეობა, წამყვანი დარგებია: მეხილეობა, მეჭარხლეობა, მებოსტნეობა-მებაბაღჩეობა, მევენახეობა, მეცხოველეოყა და სხვა. აქ მდებარეობს აგარის შაქრის ქარხანა და სხვა კვების მრეწველობის საწარმოები. რაიონში არის პროფესიული სასწავლებელი, 1 ცენტრალური ბიბლიოთეკა, კულტურის ცენტრი და მხარეთმცოდნეობის მუზეუმი. ქარელის მუნიციპალიტეტი გამორჩეულია როგორც ბუნებით, ასევე კულტურული ძეგლების სიმრავლით. ულამაზესი ბატეთის ტბა, ამწვანებული ძამის ხეობა და ისეთი მნიშვნელოვანი ძეგლები, როგორიცაა: სამწევრისის ეკლესია, ყინწვისისკომპლექსი, მძოვრეთის ციხე-დარბაზის კომპლექსი და მრავალი სხვა, უამრავ ტურისტს იზიდავს და გულგრილს არავის ტოვებს. 


გეოგრაფია და კლიმატი

ქარელის მუნიციპალიტეტი საქართველოს ცენტრალურ ნაწილში, შიდა ქართლის მხარეში მდებარეობს. მისი ადმინისტრაციული ცენტრია ქალაქი ქარელი. რაიონს აღმოსავლეთით ესაზღვრება გორის მუნიციპალიტეტი, დასავლეთით - ხაშურის მუნიციპალიტეტი, სამხრეთ-დასავლეთით - ბორჯომის, ჩრდილოეთით - ჯავის, ჩრდილო-დასავლეთით კი – საჩხერისმუნიციპალიტეტი. იგი 1 საქალაქო და 17 ტერიტორიული ერთეულისგან შედგება, ესენია: ქალაქი ქარელი, ურბნისი, რუისი, აგარა, ბებნისი, კეხიჯვარი, ხვედურეთი, ახალსოფელი, მოხისი, დვანი, ზღუდერი, ბრეძა, ფცა, დირბი, ბრეთი, აბისი, ავლევი, გიგანტი. მუნიციპალიტეტის მთავარი მდინარეებია: მტკვარი, ძამა და დასავლეთ, შუა და აღმოსავლეთი ფრონეები. აქ გვხვდება როგორც ბუნებრივი, ასევე ხელოვნური ტბები. რაიონის ძირითადი ნაწილი უკავია შიდა ქართლის ვაკეს, სამხრეთი ნაწილი კი თრიალეთის ქედის ჩრდილოეთ ფერდობებს.
ქარელის მუნიციპალიტეტის ვაკე და ბორცვიან მთისწინეთში ზომიერად ნოტიო ჰავაა, ზომიერად ცივი ზამთრითა და ხანგრძლივი, თბილი ზაფხულით. ვაკე ნაწილში ჰაერის საშუალო წლიური ტემპერატურაა 10,2 °C, იანვარში – 1,7 °C, აგვისტოში – 21,5 °C. მთიან ნაწილშიც ზომიერად ნოტიო ჰავაა, თუმცა ზამთარი ცივია, ზაფხული კი - ხანგრძლივად გრილი. დაბალმთიან ზონაში ჰაერის საშუალო წლიური ტემპერატურაა 7,7 °C, იანვარში – 3,2 °C, აგვისტოში – 18,6 °C. 


რა ვნახოთ

უძველესი ისტორიისა და კულტურის მქონე ქარელის რაიონი მდიდარია როგორც მნიშვნელოვანი ძეგლებით, ასევე ულამაზესი ბუნებით. ხეებში ჩაფლული ულამაზესი ტბები და ჩანჩქერები შესანიშნავია ლაშქრობისა და პიკნიკისთვის, გაზაფხულის სიწვანეში, აჭრელებულ შემოდგომაზე თუ ზაფხულის სიცხისგან თავის დასაღწევად. განსაკუთრებული პოპულარობით ბატეთის ტბა სარგებლობს, რომელიც მდინარე ძამის ხეობაში მდებარეობს. ძამის ხეობა, გარდა ბუნების მშვენიერებისა, მრავალფეროვანი და საინტერესო კულტურული ძეგლებითაც გვანებივრებს, ამიტომაც ის მოგზაურობის მოყვარულთათვის ერთ-ერთი საყვარელი ადგილია. ქარელში შეხვდებით უძველეს ნამოსახლარებს, ისტორიულ ციხე-სიმაგრეებსა და სხვადასხვა პერიოდის ეკლესია-მონასტრებს. მაღალმხატვრული ფრესკებით ცნობილი ყინწვისის მონასტერი, მძოვრეთის ციხე-დარბაზის კომპლექსი, ძამის ციხე, სამწევრისის ტაძარი, სამწევრისის ციხე, სოლოღაშენის ეკლესია, ეს მცირედია იმ ღირსშესანიშნაობათაგან, რის მონახულებასაც ქარელში მოგზაურობისას შეძლებთ. რაიონში ასევე არის მხარეთმცოდნეობის მუზეუმი, სადაც 1300-ზე მეტი ექსპონატია დაცული. აქ წარმოდგენილია ურბნისის, ბებნისის, ტახტიძირის, დირბისა და დვანის არქეოლოგიური მასალები, რომელთადან უძველესი ძვ.წ. IV-III ათასწლეულებით თარიღდება. 


ბუნება

  • ბატეთის ტბა
  • წითელი ქვების ჩანჩქერი
  • აბუხალოს ჩანჩქერი
  • ბებნისის ტბა


კულტურული ძეგლები


ყველა ადგილის სანახავად დააჭირეთ აქ



მდებარეობა
42.018348, 43.889765
მანძილი დედაქალაქიდან
106 კმ
რეკომენდებული დრო
1 დღე

ჩვენი გიდები მზად არიან დაგეხმარონ ამ ადგილის მონახულებაში

13891881_1062705333765157_135766 cop IMG_0005
+3
Bateti Lake, Dzama Gorge, fall, autumn, ტბა
ბატეთის ტბა

ბატეთის ტბა შიდა ქართლის მხარეში, ქარელის მუნიციპალიტეტში, ძამის ხეობაში, ზღვის დონიდან 1313 მეტრზე ...

DJI_0563
ყინწვისის მონასტერი

ყინწვისის მონასტერი შიდა ქართლის მხარეში, ქარელისმუნიციპალიტეტში, სოფელ ყინწვისიდან რამდენიმე კილომე...

DJI_0506
კოშკი ძამის ხეობაში (II)

გვერძინეთის კოშკი შიდა ქართლის მხარეში, ქარელის მუნიციპალიტეტში, სოფელ გვერძინეთის განაპირას, მდინარ...

იხილეთ ასევე

ბატეთის ტბა შიდა ქართლის მხარეში, ქარელის მუნიციპალიტეტში, ძამის ხეობაში, ზღვის დონიდან 1313 მეტრზე მდებარეობს. საქართველოში მრავალი ტბაა. მათ შორის, ...

ყინწვისის მონასტერი შიდა ქართლის მხარეში, ქარელისმუნიციპალიტეტში, სოფელ ყინწვისიდან რამდენიმე კილომეტრის დაშორებით მდებარეობს. კომპლექსის მთავარი ნაგ...

გვერძინეთის კოშკი შიდა ქართლის მხარეში, ქარელის მუნიციპალიტეტში, სოფელ გვერძინეთის განაპირას, მდინარე ძამის აღმოსავლეთ ნაპირზე მდებარეობს. იგი XVI საუ...

ქარელის ხანძთის მამათა მონასტერი შიდა ქართლის მხარეში, ქარელის მუნიციპალიტეტში, ძამას ხეობაში მდებარეობს. იგი ტაძრად გადაკეთებულ ვაგონს წარმოადგენს. გ...

წმინდა ალექსი ბერის სახელობის ეკლესია XXI საუკუნეში აგებულ დარბაზულ ნაგებობას წარმოადგენს, რომელიც შიდა ქართლის მხარეში, ქარელის მუნიციპალიტეტში, ძამი...

შატბერდის მამათა მონასტერი შიდა ქართლის მხარეში, ქარელის მუნიციპალიტეტში, ძამას ხეობაში მდებარეობს. იგი XXI საუკუნეში აგებული ჯვარგუმბათოვანი ტაძარია....

საბერიოს მამათა მონასტერი შიდა ქართლის მხარეში, ქარელის მუნიციპალიტეტში მდებარეობს. იგი XXI საუკუნეში ნაგები დარბაზული ეკლესიაა. ნაგებობა აღმოსავლეთით...

ყინწვისის წმინდა ნინოს სახელობის დედათა მონასტერი შიდა ქართლის მხარეში, ქარელის მუნიციპალიტეტში, სოფელ ყინწვისში მდებარეობს. იგი აგებულია XXI საუკუნეშ...

ქეთევან წამებულის დედათა მონასტერი შიდა ქართლის მხარეში, ქარელის მუნიციპალიტეტის სოფელ გვერძინეთში მდებარეობს. ეკლესია აგებულია XXI საუკუნეში. მოპირკე...

სამწევრისის ციხე — ციხე-დარბაზი შიდა ქართლში, ქარელის მუნიციპალიტეტი სოფელ სამწევრისში, მდებარეობს სოფლის დასავლეთით, შემაღლებულ ადგილას.თავდაპირველად...

სარკის (სარყის) წმინდა გიორგის მონასტერი შიდა ქართლისმხარეში, ქარელის მუნიციპალიტეტში, სოფელ ზღუდეთის სამხრეთით, სოფლიდან 0,5 კმ-ის დაშორებით მდებარე...

ორთუბნის ღვთისმშობლის შობის სამონასტრო კომპლექსი (მძოვრეთის ციხე-დარბაზის კომპლექსი) შიდა ქართლში, ქარელის მუნიციპალიტეტის სოფელ ორთუბანში მდებარეობს....

კეხიჯვრის ეკლესია შიდა ქართლის მხარეში, ქარელის მუნიციპალიტეტის სოფელ კეხიჯვარში მდებარეობს. იგი XXI აგებულ სამნავიან ეკლესიას წარმოადგენს. გვერდითა ნ...

ქარელის სამების ეკლესია შიდა ქართლის მხარეში, ქარელის ცენტრში მდებარეობს. ტაძარი აგებულია XXI საუკუნეში და ჯვარგუმბათოვან ნაგებობას წარმოადგენს. ეკლეს...

გეთსიმანიის დედათა მონასტერი შიდა ქართლის მხარეში, ქარელის მუნიციპალიტეტში მდებარეობს. იგი XXI საუკუნეში აგებული სამონასტრო კომპლექსია, რომელშიც შედის...

კეთილგონიერი ავაზაკის სახელობის ტაძარი შიდა ქართლის მხარეში, ქარელის მუნიციპალიტეტში, ყინწვისის მონასტრის მახლობლად, მაღლობზე მდებარეობს. იგი XXI საუკ...

გვერძინეთის კოშკი შიდა ქართლის მხარეში, ქარელის მუნიციპალიტეტში, სოფელ გვერძინეთის განაპირას, მდინარე ძამის დასავლეთ ნაპირზე მდებარეობს. იგი XVI საუკუ...

იხილეთ ასევე
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ქარელი

საშინელი!

ცუდი!

კარგი!

ძალიან კარგი!

შესანიშნავი!