სამეფო ბილიკი გელათი-მოწამეთა

ბუნება სათავგადასავლო ტურები ლაშქრობა

იმერეთი, ქუთაისი (იხილეთ რუკაზე)

მარშრუტის შესახებ

საუკეთესო პერიოდი: ყველა სეზონი

ლაშქრობა გელათიდან მოწამეთამდე არაჩვეულებრივი საშუალებაა ტურისტებისათვის თავისუფალი დროის შესავსებად, თუ მათ სურთ დაკავდნენ სათავგადასავლო მიმართულებით. მარშრუტის გავლისას გელათისა და მოწამეთის მონასტრების გარდა გვხვდება სხვა ისტორიული და რელიგიური ობიექტებიც_ ბერის ციხე, წმ. ელიას, წმ. ნინოს, წმ. საბას სალოცავები, დავითის კონცხი. არაჩვეულებრივი და განსხვავებული ხედები გელათსა და მოწამეთაზე, რაჭა-ლეჩხუმზე. მარშრუტზე გავივლით წყალწითელას ხეობას და გადალთ მასზე გადებულ ბონდის ხიდზე.

გეგმა:

დღე 1

9:00 ზე ვიკრიბებით ქუთაისში ცენტრალურ მოედანზე და დავიძვრებით გელათის მონასტრისკენ. მოვინახულებთ გელათის მონასტერს, რის შემდეგაც ავუყვებით გრუნტიან გზას წმ. ნინოს მონასტრისკენ. გზად ვნახავთ კარსტულ ჭას, რომლის სიღრმე 17 მეტრია და შემდეგ იხურება. წმინდა ნინოს მონასტერთან ვნახავთ მონასტრამდელ ბერების სამყოფელს და ნანგრევებს. აქვე იქნება ხედები გელათსა და რაჭა-ლეჩხუმზე. აქედან გზა ბერის ციხის ნანგრევისკენ გრძელდება, სადაც ვნახავთ კლდეში ამოკვეთილ წყლის საგუბარს და კლდეში ამოკვეთილ ბერის საცხოვრებელს, რომელთანაც ციცაბო დაღმართით ჩავალთ განმარტოებული ბერის სამყოფელთან, კლდეში გამოჭრილი ოთახი სათვალთვალო ფუნქციას ასრულებდა. აქედან გზა იმავე მიმართულებით გრძელდება საიდანაც მოვედით და წმინდა საბას სალოცავიდან ტყეში გაჭრილი ბილიკებით მივემართებით დავითის კონცხისკენ, რომელიც ადრე სათვალთვალო ფუნქციას ასრულებდა. აქედან გელათის და მოწამეთას მონასტრები ჩანს. აქ შევისვენებს და შევჭამთ, ავივსებთ ენერგიას და გავუყვებით გზას წყალწითელას ხეობისკენ. ჯერ გზა ტყის ბილიკებით ნელა ეშვება დაბლა სოფელი გოდოგნისკენ და უერთდება გრუნტიან გზას, რომელიც მოგვიანებით ისევ ტყეში შედის მანამ, სანამ არ გამოჩნდება კლდეზე გადაკიდებული მოწამეთას მონასტერი. გზა ისევ ტყის გავლით ეშვება წყალწითელას ხეობაში შედარებით მკვეთრ დაღმართზე. მდინარესთან ჩასულებს მოგვიწევს ბონდის ხიდის გადაკვეთა, რომელიც ზედ გავლისას მოძრაობს, ამიტომაც საჭიროა ყურადღება. ხიდის გადავლის შემდეგ რჩება ბოლო აღმართი მოწამეთას მონასტრამდე, რომელიც ჩვენი ბოლო გაჩერება იქნება. აქედან ტრანსპორტით ვბრუნდებით ქუთაისში შეკრების ადგილზე დაახლოებით 18:00 საათისთვის.

გელათის მონასტერი

1 შეფასება

ეკლესია / მონასტერი

მოწამეთას მონასტერი

1 შეფასება

ეკლესია / მონასტერი

ტრანსპორტი:

ქუთაისიდან ვიმგზავრებთ კომფორტული მინივენით გელათის მონასტრამდე, რის შემდეგაც დავიწყებთ ფეხით სიარულს. ლაშქრობის დასასრულს, მოწამეთას მონასტერში დაგვხვდება ტრანსპორტი და დაგვაბრუნებს ქუთაისში.

თეგები: #ლაშქრობა #ბუნება #trekking #Backpacking #სათავგადასავლო ტურები #კომერციული შეთავაზება

შეხვედრის ადგილი

Kutaisi central square, Kolchis fountain.

ენები

ქართული
ინგლისური

რას მოიცავს

ტრანსპორტირება
გიდი
ფოტო გადაღება

რას არ მოიცავს

კვება

ჯგუფის მინიმალური ზომა: 4 ადამიანი

+995 599 31 80 15

ხანგრძლივობა: 8 საათი

ჯამური მანძილი: 10 კმ

სირთულე: მარტივი

საჭირო აღჭურვილობა

სალაშქრო ზურგჩანთა
საწვიმარი

გაუქმების პოლიტიკა

ჯავშნის გაუქმება შესაძლებელია ავტომატურ რეჟიმში ნებისმიერ დროს, მომსახურების დაწყებამდე. გაუქმების საკომისიო თარიღების მიხედვით იხილეთ ქვემოთ. ონლაინ გადახდის შემთხვევაში, თანხა დაგიბრუნდებათ 7 სამუშაო დღეში იმავე ბარათზე, რომლიდანაც შეასრულეთ გადახდა.