ახთამარის ტაძარი

ახთამარის ტაძარი მდებარეონს თანამედროვე თურქეთში, ვანის ტბის კუნძულზე. მისი სახელი შეიძლება შეგხვდეთ როგორც ახტამარი ან აღთამარი.

ახთამარი (სომხ. Ախթամար, თურქ. Akdamar) სომეხი მეფეების — არწრუნების რეზიდენციას წარმოადგენდა (X-XI სს). ის ტბაში არსებულ კუნძულზეა აგებული, არის სომხური ხუროთმოძღვრების ერთ-ერთი გამორჩეული და სანიმუშო მაგალითი, ის აგებულია წმინდა ჯვრის სახელზე 915-921 წლებში ხუროთმოძღვარ მანუელის მიერ. კედლები შიგნიდან მოხატულია, ფასადები უხვადაა შემკული ქვაზე ნაკვეთი ჩუქურთმებით, ბიბლიური და საერო თემებზე შესრულებული რელიეფებით, მცენარეული და ცხოველური ორნამენტით. აქვეა X საუკუნის ნავსადგურის ნანგრევები

აქ დაიბადა და გაიზარდა საქართველოს დედოფალი მარიამ არწრუნი, რომელიც გალხდათ გიორგი პირველის მეუღლე და ბაგრატ მეოთხის დედა.

ტაძარი ვანის პროვინციის ერთ-ერთი მთავარი ტურისტული ობიექტია, ტაძრის მიმართულების გადიან მცირე გემები/კატერები, რომლის მარშუტში უკანა გზაზე კუნძულის შემოვლაც შედის.