იმოგზაურე საქართველოში

ჯომარდობა რიონზე ალპანა–ტვიშის ხეობა

დაუვიწყარი შთაბეჭდილებების და ახალი თავგადასავლების ძიებაში თუ ხართ? მაშინ გვეწვიეთ და მიიღეთ განუმეორებელი ემოციები ჩვენთან ერთად!

"ჯომარდობა ქუთაისში" გთავაზობთ ექსტრემალურ საჯომარდო ტურს ულამაზეს რაჭა–ლეჩხუმში მდინარე რიონზე.

რაჭა–ლეჩხუმში არის საუკეთესო მთიანი რეგიონი, რომელიც წარმოშობს იდეალურ მდინარეებს ჯომარდობისთვის. რიონის ხეობის ალპანა–ტვიშის მონაკვეთზე ჯომარდობას ვიწყებთ სოფელ ღვარდიაასთან (რაჭა) გავივლით ალპანის ხეობას და შევალთ ტვიშის ულამაზეს კანიონში (ლეჩხუმი). დაშვებისას ვიხილავთ ორი სხვადასხვა ფერის მდინარის შერწყმას (რიონის და ცხენისწყალის). ეს მარშრუტი გამოირჩევა ველური ბუნებით, კანიონებით, ცაში აშვერილი კლდოვანი მასებით, ლოდებითა და მორევებით. ჯომარდობისას უამრავ დიდსა თუ პატარა ჩანჩქერს შეხვდებით.