შუანოს ტურისტული თავშესაფარი

შუანოს ტურისტული თავშესაფარი მდებარეობს ნეძვის აღკვეთილში, ბორჯომის მუნიციპალიტეტში. თავშესაფარი არის 2 სართულიანი და შედგება 3 ოთახისგან.

პირველ სართულზე არის 2 ოთახი, ხოლო მეორე სართულზე ერთი მთლიანი სივრცე. ტურისტულ თავშესაფარში არის ბუხარი, მაგიდა, 2 ტახტი და სისუფთავის შესანარჩუნებლად ყველა საჭირო ინვენტარი (იატაკის საწმენდი ჯოხი და ტილო, ცოცხი, შუშების საწმენდი სპრეი და მტვრის ტილოები).

კოტეჯთან არის კეთილმოწყობილი დასასვენებელი სივრცე, წყალი, საპირფარეშო და საშხაპე.

ნეძვის აღკვეთილი ეკუთვნის ბორჯომ-ხარაგაულის ეროვნულ პარკს და აქ სტუმრობა ფასიანია. რეგისტრაციისთვის, ტურისტული თავშესაფრის დასაჯავშნად და სხვა მომსახურების მისაღებად ეწვიეთ/დაუკავშირდით ეროვნული პარკის ადმინისტრაციას.