კოჯორი -კუს ტბა

თბილისის მახლობლად რამოდენიმე საინტერესო და მარტივი სალაშქრო მარშრუტია. მათ შორის არის სალაშქრო ბილიკი კოჯორი - უძოს მონასტერი - კუს ტბა.

მარშრუტი იწყება დაბა ჯოჯორში და მიუყვება ფართოფოთლოვან ტყეს უძოს მონასტრის მიმართულებით. უძოს მონასტერთან, ლაშქრობის დაწყებიდან დაახლოებით 1 კმ გავლის შემდეგ აღმოჩნდებით.

უძოს მონასტრის მონახულების შემდეგ გზას გააგრძელებთ კუს ტბის მიმართულებით. ბილიკი არ არის მარკირებული, თუმცა ყვითელი მანიშნებელი ისრები დგას, რომელიც მიგითითებთ საით განაგრძოთ გზა.

გზად შეგხვდებათ საპიკნიკე ადგილი, სადაც არის მაგიდა და სკამები და არის გადახურული, შესაბამისად ცუდი ამინდის შემთხვევაშიც შეგეძლებათ, რომ წაიხემსოთ.

ბილიკი არის მარტივი სირთულის, კოჯრიდან უძომდე მცირე აღმართია, უძოს მონასტრის შემდეგ კი ძირითადსდ სულ დაღმართზე გიწევთ სიარული.

მარშრუტიდან იშლება ულამაზესი ხედები თბილისსა და მის შემოგარენზე.

ეს სალაშქრო მარშრუტი შესანიშნავია თუ თბილისთან ახლოს გსურთ ლაშქრობა.

როგორ მოვხვდეთ კოჯორში:

კოჯორში მოხვედრა შეგიძლიათ ტაქსით და საზოგადოებრივი ტრანსპორტით. კოჯრის მიმართულებით ბარათაშვილიდან გადის 2 ავტობუსი. ავტობუსი #380, რომელიც უშუალოდ კოჯორში მიდის, და ავტობუსი #316 რომელიც მიდის კიკეთში და გაივლის კოჯორს.