ბათუმის ილია ჭავჭავაძის მუზეუმი

ბათუმის ილია ჭავჭავაძის მუზეუმი

მუზეუმი

ბათუმის ილია ჭავჭავაძის მუზეუმის შესახებ

საუკეთესო პერიოდი: ყველა სეზონი

ბათუმის ილია ჭავჭავაძის მუზეუმი აჭარაში, ქალაქ ბათუმში, გრიბოედოვის ქუჩის 5 ნომერში მდებარეობს. მუზეუმში წარმოდგენილია ცნობილი ქართველი მწერლისა და საზოგადო მოღვაწის - ილია ჭავჭავაძის ცხოვრებასა და მოღვაწეობასთან დაკავშირებული ფოტო და დოკუმენტური მასალები, ფერწერული და სკულპტურული ნამუშევრები და ყოფისა და ეთნოგრაფიის ამსახველი ნივთები. აქ აგრეთვე ნახავთ ილიას მეგობრის, მწერლისა და ექიმის, გრიგოლ ვოლსკის ბათუმში მოღვაწეობის ამსახველ მასალასა და პირადი ნივთებს. მუზეუმში დაცულია 278 ექსპონატი. ილია ჭავჭავაძის სახლ-მუზეუმი მცხეთა-მთიანეთის მხარეში, საგურამოში მდებარეობს.

ილია ჭავჭავაძე (1837-1907) უმნიშვნელოვანესი ფიგურაა საქართველოს კულტურულ, საგანმანათლებლო და პოლიტიკურ ცხოვრებაში. ის იყო საქართველოს ეროვნულ-განმათავისუფლებელი მოძრაობის ლიდერი და იღწვოდა საზოგადოების მორალური ღირებულებებისა და თვითშეგნების ამაღლებისთვის. მან დააარსა პროგრესული პერიოდული გამოცემა - „ივერია“, რომელიც სამი ათეული წლის მანძილზე საქართველოს ეროვნული, სულიერი და ინტელექტუალური ცხოვრების ერთ-ერთი ძირითადი ცენტრი იყო. ილია ჭავჭავაძე 1907 წლის 28 აგვისტოს მოკლეს. ვაჟა-ფშაველა წერდა: „ილიას მკვლელებს რომ შეეძლოთ, საქართველოს მოჰკლავდნენ”. საქართველოს მართლმადიდებლურმა ეკლესიამ ილია ჭავჭავაძე წმინდანად შერაცხა, სახელით - წმინდა ილია მართალი.


თეგები: #ისტორია #კულტურა #მუზეუმი #ისტორიული ძეგლი

რუკა

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ბათუმის ილია ჭავჭავაძის მუზეუმი

საშინელი!

ცუდი!

კარგი!

ძალიან კარგი!

შესანიშნავი!