ბირთვისის კანიონის შესახებ

საუკეთესო პერიოდი: ზაფხული

ბირთვისის კანიონი ქვემო ქართლის მხარეში, თეთრიწყაროს მუნიციპალიტეტში მდებარეობს. თუკი ველური ბუნებისა და ექსტრემის მოყვარული ხართ, ეს ადგილი ნამდვილად თქვენთვისაა. მონუმენტური კლდეები, პატარ-პატარა ჩანჩქერები, კლდეების გვირაბები ულამაზეს და ამავდროულად მისტიურ გარემოს ქმნიან. ეს საოცრად შთამბეჭდავი ბუნების ძეგლი წარუშლელი შთაბეჭდილებებითა და ზღვა ემოციებით აგავსებთ. თუ ბირთვისის კანიონის მონახულებას გადაწყვეტთ, სირთულეებიც უნდა გაითვალისწინოთ. კანიონის გასავლელად აუცილებლად დაგჭირდებათ სპეციალური აღჭურვილობა, რადგან რელიეფის გარკვეული მონაკვეთების დაძლევა სხვაგვარად შეუძლებელია. ასევე უნდა იცოდეთ ცურვაც, ზოგან წყალი საკმაოდ ღრმაა. მთელი გზის განმავლობაში წყალში მოგიწევთ სიარული. აუცილებელია ბარგის შეფუთვა, მზად უნდა იყოთ რომ ამ ლაშქრობისას სრულიად დასველდებით. მათთვის, ვინც ნამყოფი არ არის, კანიონში გიდის გარეშე გავლა სახიფათოა. არ არის რეკომენდებული მარტო წასვლა. კანიონის გასავლელად საუკეთესო პერიოდი აგვისტოს ბოლოსაა, ამ დროს წყალი შედარებით დაკლებულია და ნაკლებად ცივიცაა. მიუხედავად ამ სირთულეებისა, თუ მძაფრი ემოციები, ბუნების პირველყოფილი მშვენიერება და ხიფათიანი, რთული გზები გიზიდავთ, ბირთვისის კანიონი იმედებს აუცილებლად გაგიმართლებთ. აზიდული უზარმაზარი კლდეები ვიწრო გასასვლელებით, პატარა ჩანჩქერებზე სრიალი, ციცაბოებზე თოკით დაშვება, სიმწვანე და ქვაბულებში წარმოქმნილ ტბებში ცურვა დაუვიწყარ თავგადასავალს გპირდებათ. კანიონთან მოხვედრა შესაძლებელია ორბეთი - ამლევის გზიდან. 

რუკა

ტრეკის გადმოწერა
კითხვები

Please login to ask a question

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ბირთვისის კანიონი

საშინელი!

ცუდი!

კარგი!

ძალიან კარგი!

შესანიშნავი!