აბრსკილის მღვიმე

აბრსკილის მღვიმე აფხაზეთში, ოჩამჩირის მუნიციპალიტეტში მდებარეობს, მდინარე მოქვის აუზში, კოდორის ქედის სამხრეთ მთისწინეთში, ზღვის დონიდან 260 მეტრზე. იგი 2 კმ-ის სიგრძის მიწისქვეშა ხეობას წარმოადგენს, რამდენიმე ვრცელი დარბაზით. აბრსკილის მღვიმე გამოირჩევა სილამაზით და დიდ შთაბეჭდილებას ახდენს. აქ მრავალგვარი ნაღვენთი ფორმები გვხვდება, სტალაგმიტები, სვეტები, ფარდები და სხვა. განსაკუთრებით აღსანიშნავია ფარდებიანი, მეანდრის და აბრსკილის დარბაზები. მთავარი გვირაბისა და მისი განშტოებების საერთო სიგრძე 3 კმ-მდეა. მღვიმის კვლევისას შესასვლელიდან 360 მეტრში, მღვიმის დათვის ძვლები აღმოაჩინეს, რომელიც დაახლოებით 15 000 წლის წინ გადაშენდა.