ხოხნას მეჩეთი

დღეს მოგიყვებით სოფელ ხოხნას ხის მეჩეთის საინტერესო ისტორიას რომელიც, ადგილობრივების ჩართულობით დღემდე შევინარჩუნეთ. ხოხნას მეჩეთი ძალიან პატარა ულამაზესი მეჩეთია, 1990-იან წლებში მიუხედავად სიმცირისა ადგილობრივების ძალისხმევით ცალკე მდგომი მინარეთი აეგო. იგი აჭარაში, ქედის მუნიციპალიტეტში მდებარეობს.

როგორც ხის მეჩეთების უმრავლესობა ხოხნას მეჩეთიც გამოირჩევა მკვეთრი ფერადი ფერებითა და საინტერესო ორნამენტებით. მეჩეთს აქვს მიდგმული ვერანდა, რომელიც სოფლის სოციალურ სივრცედ გამოიყენება.

ჭერის მედალიონზე გამოსახულია მეცხრამმეტე საუკუნისთვის დამახასიათებელი ორნამენტები ახალი ეპოქის დეკორისა და ძველი არქიტექტურული ელემენტებით, რომელიც უჩვეულო, თუმცა საინტერესო და ძალიან ლამაზ კომბინაციას წარმოადგენს. განსაკუთრებით მნახველის ყურადღებას იპყრობს, მინბარის თავზე არსებული დაწნული ხის მოტივებით შექმნილი ორი მედალიონი

არსებობს ვარაუდი, რომ მიჰრაბის ჩარჩოს შეუღებავი პანელები შესაძლოა თავდაპირველად მეჩეთის შესასვლელი კარი ყოფილიყო, რომელიც დაზიანების შემდეგ შეცვალეს. ამავე ჩარჩოზე წარწერა ჰიჯრით 1318 წელი ( 1899-1900) შესაძლოა აგების თარიღი ყოფილიყო, თუმცა მეჩეთის ზოგიერთი დეკორატიული ელემენტები, მაგალითად - გუმბათის ნაცვლად არსებული ჭერის მედალიონი და ნაკვეთი ორნამენტებით შემკული კარი უფრო ადრეული ნაგებობის გაფორმებას წააგავს.