"კლდის ჯვრის" ეკლესია

სოფელ დუმანისში (ამჟამად ჯვარა) თეთრიწყაროს პლატოზე, მდ. ასლანკის (ხრამის მარცხენა შენაკადი) მარჯვენა მხარეს, მდებარეობს დარბაზული ტიპის, ქვით ნაგები, მცირე ეკლესია - „კლდის ჯვარა“.

ეკლესიის კარი და სარკმელი სწორკუთხა ანუ არქიტრავულია, აფსიდი - ნახევარწრიული. ფასადის მორთულობას წარმოადგენს ლავგარდანი (კარნიზი). ეკლესია საკმაოდ დაზიანებულია (დაზიანების 2 კატეგორია), მისი სახურავი დაცურებულია და დაფარულია მცენარეებით.

ე.წ. "კლდის ჯვრის" ეკლესია მდებარეობს სოფელ ჯვარას ტერიტორიაზე, საქართველოს კულტურული მემკვიდრეობის დაცვის ეროვნული სააგენტოს მიხედვით ეკლესია აგებულია X-XI სს-ში.