პირველი მაისის მეჩეთი

პირველი მაისის მეჩეთი ადმინისტრაციულად ქედის მუნიციპალიტეტს ეკუთვნის და ის ერთ-ერთი უძველესი ხის მეჩეთია აჭარაში. აშენების თარიღი 1865 წელია, ხოლო 1990-იან წლებში ჩაუტარდა რესტავრირება. მეჩეთის მშენებელი ბაშუსტა ალი კილაოღლი იყო, მან ხის მრავალფეროვანი ვერნაკულარული ორნამენტებით წარმოგვიდგინა ნაგებობა. ვინც ერთხელ მაინც ნამყოფია ამ მეჩეთში აუცილებლად შეამჩნევდით ფერად და ხალისიან ინტერიერს, რომელიც 1990-იანი წლის რესტავრირების შედეგია. ნამდვილად უნდა აღინიშნოს, რომ ეს პასტელური ფერები კიდევ უფრო განსაკუთრებულ სილამაზეს სძენს ხის ორნამენტებს და გამოკვეთს თითოეულ ნამუშევარს.

პირველი მაისის მეჩეთს არ აქვს დღეისათვის მინარეთი, თუმცა როგორც ისტორიულ ცნობებში ვკითხულობთ, 1930-იან წლებამდე მას ჰქონდა ქვისა და აგურით ნაშენები ძველი მინარეთი.

Ვარაუდობენ, რომ მეცხრამმეტე საუკუნეში შექმნილი ან ჩანაცვლებულია ჭერის მედალიონი, რომელიც არაბესკის სტილის ჩარჩოშია ჩასმული. Მიუხედავად იმისა, რომ პირველ მაისის მეჩეთს თავისი მრევლი ჰყავს და მნიშვნელოვანი არქიტექტურული მნიშვნელობაც გააჩნია, ადრეულ 1990-იან წლების შემდეგ სარემონტო სამუშაოების ჩატარება ვერ მოხერხდა.