სამშვილდის ღვთისმშობლის მიძინების (მენჰირიანი) ეკლესია

სამშვილდის ღვთისმშობლის ეკლესია მდებარეობს ქვემო ქართლში, თეთრიწყაროს მუნიციპალიტეტში, სამშვილდის ნაქალაქარში, ცენტრალური გზის მარჯვენა მხარეს ნაქალაქარის გალავნამდე.

შუასაუკუნეების დარბაზული ეკლესია აგებულია ბაზალტის ნატეხი ქვით. ეკლესიაში დგას უძველესი, წარმართული დროის ქანდაკება - მენჰირი, რომელზეც ამოტვიფრულია ჯვარი, აქვეა წარწერა, რომელზეც იკითხება „სუმბატ ერისთავ-ერისთავი“. ეკლესიაში მდებარე მენჰირი წინაქრისტიანულ ხანას განეკუთვნება და ნაქალაქარის ერთერთ უძველეს ძეგლს წარმოადგენს. იგი შესაძლოა ბრინჯაოს ხანის თაყვანისცემის ობიექტს წარმოადგენდა.