შიომღვიმის ჯვართამაღლების ეკლესია

შიომღვიმის ჯვართამაღლების ეკლესია მდებარეობს მცხეთის მუნიციპალიტეტში, კომპლექსისის სამხ-აღმოსავლეთით გორაზე.

ეკლესია თარიღდება XII ს-ით. შესასვლელი სამხრეთიდანაა, დასავლეთის შესასვლელი ამოქოლილია.

ტაძარი XIII საუკუნეში მოუხატავთ, თუმცა აფსიდში და სახმრეთის კედელზე უფრო ადრინდელი მოხატულობის კვალიც ჩანს. საკურთხევლის კონქში გამოსახულია ვედრება, მეორე რეგისტრში 12 მოციქულის ნახევარფიგურებია ( ეს რეგისტრი გადადის ჩრდილოეთისა და სამხრეთის კედლებზე), მესამე რიგში გამოსახულია ეკლესიის 8 მამა. აღმოსავლეთის სარკმლის ქვემოთ - ხატი მანდილისაი, სარკმელში ორი დიაკვნის ფიგურაა. სამხრეთის, ჩრდილოეთისა და დასავლეთის კედლებზე გამოსახულია ახალი აღთქმის სცენები: ხარება, შობა, მირქმა, ნათლისღება, ფერისცვალება, ლაზარეს აღდგინება, იერუსალიმში შესვლა, ჯვარცმა, ჯოჯოხეთის წარტყვევნა, ამაღლება და სულწმინდის მოფენა. ასევე გვხვდება ცალკეულ წმინდანთა ფიგურები.

ეკლესია რამდენჯერმე მოიხატა. დღეისათვის არსებული მხატვრობა XII საუკუნის ხანას განეკუთვნება. იგი უძველესია შიომღვიმის მონასტერში შემორჩენილ მოხატულობათა შორის..

ჩრდილოეთიდან ეკლესიას მიშენებული აქვს ნაგებობა, რომლის მეორე სართულზე სამრეკლოა, ხოლო პირველი თავად ტაძარში შესასვლელისთვის გამოიყენება.