შუახევი

შუახევი — ქალაქი (დაბა), შუახევის მუნიციპალიტეტის ადმინისტრაციული ცენტრი. მდებარეობს მდინარეების აჭარისწყლის და ჩირუხისწყლის შესართავთან (ზღვის დონიდან 420 მ, ბათუმიდან 67 კმ). დაბაში არის ადმინისტრაციული, კულტურის, განათლების და ჯანდაცვის დაწესებულებები, მცირე საწარმოები. შემორჩენილია შუა საუკუნეების ციხესიმაგრის ნანგრევები. შუახევის თემში შედის სოფელი ჩანჩხალო.

ღირსშესანიშნაობანი

მატერიალური კულტურის ძეგლებიდან აღსანიშნავია:

• შუა საუკუნეების ციხე-სიმაგრის ნანგრევები — შუახევი, დარჩიძეები, ნიგაზეული
• შუა საუკუნეების თაღოვანი ხიდები — ბუთურაული, ზამლეთი, ფოთელაური