ვანის (ურარტუს) მუზეუმი

ვანის (ურარტუს) მუზეუმი მდებარეობს ქალაქ ვანში, თურქეთის რესპუბლიკაში

მუზეუმი დაარსდა 1932 წელს, ამჟამინდელი მუზეუმი მდებარეობს ვანის ციხის მიმდებარედ, რომელიც 2019 წელს გაიხსნა.

მუზეუმში გამოფენილია ურარტული, რომაული, ბიზანტიური, სელჩუკების, აღყოიუნლუს(თეთრბატკნიანების), ყარაყოიუნლუსა (შავბატკნიანების) და ოსმალეთის პერიოდის არტეფაქტები, რომლებიც მდებარეობდა ვანის ტბაში და მის გარშემო. იგი ცნობილია, როგორც ყველაზე მდიდარი ურარტული მუზეუმი მსოფლიოში.

მუზეუმის შენობა 2011 წლის ვანის მიწისძვრის დროს დაზიანდა. 2012-დან 2015 წლამდე ვანის გუბერნატორის მიერ ვანის ციხის ჩრდილო-აღმოსავლეთით მდებარე ბრტყელ ადგილზე აშენდა მუზეუმის ახალი შენობა. მუზეუმის ახალი შენობის პროექტი, რომელიც წარმოადგენს ერთსართულიან შენობას, რომელიც აშენებულია თანამედროვე არქიტექტურული მიდგომით, მოამზადა არქიტექტორმა ბაჰადირ კულმა.

მუზეუმში საგამოფენო-მოწყობის სამუშაოები 2017 წელს დაიწყო და 2019 წლის აგვისტოში დასრულდა, ხოლო ახალი შენობა ექსპლუატაციაში 2019 წლის 27 აგვისტოს შევიდა.

13 ათას კვადრატულ მეტრ ფართობზე აშენებულ მუზეუმს 23 საგამოფენო დარბაზი აქვს. ნამუშევრების გარდა, მუზეუმში ასევე შედის ანიმაციური სექციები ვანში გამეფებული ცივილიზაციების ცხოვრების წესსა და ომებზე.

მუზეუმის ინვენტარში 45 ათასი ნამუშევარია. მათგან გამოფენილია 2542. ახალი მუზეუმის შენობის 23 დარბაზიდან ცხრაში ურარტული პერიოდის არტეფაქტებია.