დიდგორი - ნიჩბისი

მარშრუტი იწყება სოფელ მოხისთან ახლოს, მანგლისის გზაზე. თავიდან რამდენიმე კილომეტრი ასფალტიანია. დასაწყისში საკმაოდ რთული აღმართით გიწევთ ქედზე ასვლა. შემდეგ თითქმის სწორად მიუყვება გრუნტიანი გზა ქედს დიდგორის მონუმენტამდე. დიდგორის მონუმენტიდან კი იწყება დაღმართი. ეს არის მოქმედი სამანქანო გზა, შესაბამისად რაიმე ტექნიკური სირთულე ამ მარშრუტს არ გააჩნია. თუმცა უმაღლესი წერტილი ზღვის დონიდან 1800 მეტრს აღწევს, ასე რომ მარტივი გასეირნება ნამდვილად არ არის.

ვინაიდან გზის 90% გრუნტიანია, რეკომენდებულია სამთო (MTB) ველოსიპედის გამოყენება.