დოღუბეიაზითის ციხე

დოღუბეიაზითის ციხე, მდებარეობს აღრის პროვინციაში, თურქეთში, ირანისა და სომხეთის სასაზღვრო ზონასთან ახლოს.

დოღუბეიაზითს მდიდარი ისტორია აქვს, მას რეგიონში მნიშვნელოვანი ადგილი ეკავა ურარტუს სამეფოს დროიდან მოყოლებული ოსმალეთის იმპერიის ჩათვლით. მისი სომხური სახელია დარუინკი.(Daruynk). ის ხშირად იმპერიებს შორის ბრძოლის ცენტრს წარმოადგენდა, მისთვის იბრძოდა სპარსეთი და ბიზანტია, მეათე საუკუნეში ამ უკანასკნელის დასუსტებით ისარგებლა ვასპურაკანის მეფე გაგიკ პირველმა და ეს ციხესიმაგრე დაიკავა. მალევე რეგიონში ახალი ბრძოლები დაიწყო თურქ-სელჩუკებსა და ბიზანტიას შორის, თურქმანები აქ ებრძოდნენ როგორც ადგილობრივ მაცხოვრებლებს, ასევე ერთმანეთს, ციხე არც მონღოლებს დავიწყნიათ და თავისი წილი მათაც იომეს,

აღრის პროვინცია ხშირად იყო სპარსეთ ოსმალეთს შორის დაპირისპირების მიზეზი, ამიტომ ციხემაც ასწლეულების მანძილზე დიდი ცვლილებები განიცადა. ქალაქისთვის ომი არც მეცხრამეტე საუკუნეში შეწყვეტილა, ჯერ სპარსეთ-ოსმალეთის, შემდეგ კი ოსმალეთ-რუსეთის ომის ეპიცენტრი სწორედ ეს მხარე გახდა, უკან დახეულ რუსულ ჯარს ბევრი ადგილობრივი სომეხი გაყვა, რომლებიც სევანის ნაპირებზე დასახლდნენ. ეს ქალაქი 1927-1931 წლებში ქურთების მიერ თვითგამოცხადებული არარატის რესპუბლიკის დედაქალაქიც გახლდათ,

სახელი მიიღო Celayırlı Şehzade Bayazıt-ს საპატივცემულოდ, რომელმაც ქალაქი 1374 წელს თავიდან გააშენებინა, თუმცა ეს სახელი მეთექსმეტე საუკუნეში ოტომანთა იმპერიის დროს დამკვიდრდა.