ძმები ხუციშვილების ღვინის მარანი

ჩვენ ვართ გიორგი და გელა ხუციშვილები, თელავის რაიონის სოფელ კისისხევიდან. 2015 წელს ჩვენ, “ძმები ხუციშვილების” სახელით, საოჯახო მარნის ღვინო ბოთლში ჩამოვასხით. ჩვენ სამი დასახელების ქვევრის ღვინოს ვაწარმოვებთ - საფერავს, რქაწითელსა და ქისს. როგორც იცით, კახეთის უმეტეს ოჯახებში ღვინო კახური ტრადიციული წესით - ქვევრში იწარმოება და ჩვენი ოჯახიც ერთ-ერთია, რომელიც ამ ტრადიციას იცავს. ჩვენი წინაპრების დროინდელ მარანში და მათ მიერ დანატოვარ ორსაუკუნოვან ქვევრში ჩვენც ვამზადებდით ღვინოს. შემდეგ გაგვიჩნდა ინტერესი, რომ ოჯახური ღვინის წარმოებისთვის უფრო სერიოზული სახე მიგვეცა. ავაშენეთ საოჯახო მარანი, რომელიც უკვე ცნობილია, როგორც "ძმები ხუციშვილების" საოჯახო მარანი. 2015 წელს რქაწითელის ყურძნის ჯიშისგან მიღებული მოსავალი ქართული ტრადიციული წესით დავადუღეთ, 2016 წელს გადავიტანეთ ბოთლში და დავარქვით ჩვენი სახელი.