ერთ დღიანი ველოტური ფიტარეთში

Georgian Extreme Ways გთავაზობთ ერთდღიან ველოტურს ფიტარეთში! თუკი გიყვართ თავგადასავლები, სპორტი, ჯანსაღი ცხოვრება და ბუნება, ეს ტური ნამდვილად თქვენთვისაა. მწვანეში ჩაფლული გარემო და შესანიშნავი ხედები დაუვიწყარი შთაბეჭდილებებითა და დადებითი მუხტით აგავსებთ.

რას ნახავთ

ველოტურის მსვლელობა იწყება სოფელ ჯვარში და სრულდება მდინარე ხრამის ხიდზე. მარშრუტი ფიტარეთის მიმართულებთ ტყეში გადის, რომელიც წელიწადის ამ დროს განსაკუთრებულად ლამაზია. ტურის მსვლელობისას მოინახულებთ ფიტარეთის მონასტერს, რომელიც XIII საუკუნით თარიღდება. ჯამში თქვენ გაივლით 21 კილომეტრს. მარშრუტი არის რთული გრუნტის გზა და მოითხოვს შესაბამის ფიზიკურ მომზადებას.

ტრანსპორტირება

ველობილიკამდე იმგზავრებთ კომფორტული მიკროავტობუსით. ველოსიპედებითა და ჩაფხუტებით უზრუნველგყოფთ კომპანია Georgian Extreme Ways, თუმცა ტურში მონაწილეობა საკუთარი ველოსიპედითაც შეგიძლიათ. ველოსიპედების ტრანსპორტირება მოხდება სპეციალური ველომზიდით რაც გამორიცხავს ველოსიპედების დაზიანებას ტრანსპორტირების დროს.

ტურს გაუძღვება პროფესიონალი გიდი, რომელიც იზრუნებს თქვენს ორგანიზებულ და უსაფრთხო გადაადგილებაზე. გაითვალისწინეთ, რომ უნდა გეცვათ კომფორტული სპორტული ტანსაცმელი და ფეხსაცმელი, ასევე უნდა იქონიოთ საწვიმარი და წყლის ბოთლი.