ფარნაკის ციხე

ფარნაკის ციხე — ციხესიმაგრე თანამედროვე თურქეთის ტერიტორიაზე ერზერუმის პროვინციაში, შენკაიის რაიონში, სოფელი ფარნაკის ჩრდილოეთით, ისტორიულ სამხრეთ დასავლეთ საქართველოში, იმიერ-ტაოში, მდინარე და ოლთისის ორივე ნაპირზე.

მისი მდებარეობის შესახებ ექვთიმე თაყაიშვილი, რომელიც 1907 წელს ესტუმრა აღნიშნულ მხარეს, წერს:

„ფარნაკი მდებარეობს ოლთისის წყლის ორთავე ნაპირზე, იქ, სადაც ბანის წყალი ერთვის ოლთისის წყალს. აქ ორივე ფრიად მაღალ კლდოვან ნაპირზე ოლთისის წყლისათითო ციხეა გაშენებული.“

ფარნაკის ციხე მოთავსებულია მდინარის მარცხენა ნაპირზე, ვიწროდ წაგრძელებულ კლდოვან გორაკზე, რომელიც ირგვლივ შემოზღუდულია მაღალი ქვითკირის კედლებით. ციხის დასავლეთ ნაწილში მოთავსებულია გუმბათოვანი პატარა ეკლესია.