ჯომარდობა ბორჯომში

ხართ ექსტრემის, აქტიური ცხოვრებისა და თავგადასავლების მოყვარული? არ გაშინებთ სირთულეები, ეძებთ ახალ, მძაფრ ემოციებს და მაქსიმალურ ექსტრემს? - მაშინ გვეწვიეთ და მიიღეთ ემოციების ზღვა და დაუვიწყარი შთაბეჭდილებები.

“ექსტრემალური ჯომარდობა საქართველოში” გთავაზობთ ჯომარდობას ბორჯომის ხეობაში მდინარე მტკვარზე.

ულამაზესი ბუნება, მოზღვავებული ადრენალინი, ჯანსაღი გართობა და მხიარულება მეგობრებთან ერთად - ეს ყველაფერი თქვენი ცხოვრების ერთ-ერთ ბედნიერ და მრავალფეროვან დღეს შექმნის.

ჩვენ განსაკუთრებულ ყურადღებას ვუთმობთ სტუმრების უსაფრთხოებას. თითოეული მონაწილე აღჭურვილი იქნება სამაშველო ჟილეტითა და ჩაფხუტით. ნავს გაყვება პროფესიონალი ინსტრუქტორი, რომელიც გასვლის წინ ჩაგიტარებთ ინსტრუქტაჟს და მსვლელობის განმავლობაში იზრუნებს თქვენს უსაფრთხოებაზე. ჩვენს ინსტრუქტორებს აქვთ ჯომარდობის საერთაშორისო ფედერაციის (INTERNATIONAL RAFTING FEDERATION) მიერ გაცემული მესამე დონის სერტიფიკატი.

ჩაიცვით სპორტული/მოხერხებული სამოსი, თან იქონიეთ სათადარიგო მშრალი ტანსაცმელი, რადგან ჯომარდობის პროცეში აუცილებად დასველებით. ფეხზე ჩაიცვით მოხერხებული და დაბალი პროფილის ფეხსაცმელი.

ბორჯომში ჯომარდობა შესაძლებელია სხვადასხვა სახისა და სირთულის მონაკვეთებზე. ინსტუქტორი შეგირჩევთ შესაბამის სირთულეს თქვენი მომზადების დონიდან გამომდინარე. ჯომარდობა შეუძლია ნებისმიერ ადამიანს,მიუხედავად იმისა იცის თუ არა მან ცურვა!

გელოდებით.