ჯომარდობა რიონზე ჭრებალო–ნიკორძირი

დაუვიწყარი შთაბეჭდილებების და ახალი თავგადასავლების ძიებაში თუ ხართ? მაშინ გვეწვიეთ და მიიღეთ განუმეორებელი ემოციები ჩვენთან ერთად!

"ჯომარდობა ქუთაისში" გთავაზობთ ექსტრემალურ საჯომარდო ტურს ულამაზეს რაჭა–ლეჩხუმში მდინარე რიონზე.

რაჭა–ლეჩხუმში არის საუკეთესო მთიანი რეგიონი, რომელიც წარმოშობს იდეალურ მდინარეებს ჯომარდობისთვის. რიონის ხეობის ჭრებალო-ნიკორძირის მონაკვეთზე ჯომარდობას ვიწყებთ სოფელ ჭრებალოდან (რაჭა) გავივლით ალპანის ხეობას დავასრულებთ ნიკორძირის ჩანჩქერთან. დაშვებისას ვიხილავთ ორი სხვადასხვა ფერის მდინარის შერწყმას (რიონის და ლაჯანურის). ეს მარშრუტი გამოირჩევა ველური ბუნებით, კანიონებით, ცაში აშვერილი კლდოვანი მასებით, ლოდებითა და მორევებით. ჯომარდობისას უამრავ დიდსა თუ პატარა ჩანჩქერს შეხვდებით.

ველური ბუნება, კანიონები, ჩანჩქერები, მოზღვავებული ადრენალინი, ჯანსაღი გართობა და მხიარულება მეგობრებთან ერთად - ეს ყველაფერი თქვენი ცხოვრების ერთ-ერთ ბედნიერ და მრავალფეროვან დღეს შექმნის.

უსაფრთხოება

ჩვენ განსაკუთრებულ ყურადღებას ვუთმობთ სტუმრების უსაფრთხოებას. თითოეული მონაწილე აღჭურვილი იქნება სამაშველო ჟილეტით, ჩაფხუტით, ჰიდრო ტანსაცმლითა და ფეხსაცმლით. ნავს გაყვება პროფესიონალი ინსტრუქტორი და კაიაკერ ინსტრუქტორი (უსაფრთხოებისთვის), რომელიც გასვლის წინ ჩაგიტარებთ ინსტრუქტაჟს და მსვლელობის განმავლობაში იზრუნებს თქვენს უსაფრთხოებაზე. ჩვენ ინსტრუქტორებს აქვთ ჯომარდობის საერთაშორისო ფედერაციის (INTERNATIONAL RAFTING FEDERATION) მიერ გაცემული მესამე დონის სერტიფიკატი.

რა უნდა გაითვალისწინოთ

ჩაიცვით სპორტული/მოხერხებული სამოსი, თან იქონიეთ სათადარიგო მშრალი ტანსაცმელი და პირადი ჰიგიენი ნივთები, რადგან ჯომარდობის პროცეში აუცილებად დასველებით.

სირთულე

რაჭაში, მდინარე რიონზე ჯომარდობა შესაძლებელია სხვადასხვა სახისა და სირთულის მონაკვეთებზე. აღნიშნული მარშუტის სირთულე შეიძლება იყოს II-III კატეგორიის სეზონის მიხედვით.

ინსტუქტორი შეგირჩევთ შესაბამის სირთულეს თქვენი მომზადების დონიდან გამომდინარე.

გელოდებით!