ხეთის, ხამისკურის ციხე-სიმაგრე

ხეთის, ხამისკურის ციხე-სიმაგრე სამეგრელოში, ხობის მუნიციპალიტეტის სოფელ ხამისკურში მდებარეობს, სენაკი-ზუგდიდის საავტომობილო გზის მარცხენა მხარეს. იგი XVII საუკუნით თარიღდება. ციხე-სიმაგრე სამი კოშკით გამაგრებულ ნაგებობას წარმოადგენს. ის კლდოვან ქანზე დგას. კედლების სიმტკიცისთვის გამოყენებულია ხის ძეგლები. როგორც ჩანს, ჯერ კოშკები აუშენებიათ და შემდეგ კი - გალავანი, მათ შორის ბმა არ არის. კოშკებსა და გალავნის კედლებში ნიშებია მოწყობილი. სათოფურეები მხოლოდ კოშკებში გვხვდება. სართულთაშორისი გადახედვა თაღოვანია. ციხის გალავნის საძირკველთან მიშენებული კედლები და თიხატკეპნილი იატაკი ნახშიროვან - ნაცაროვანი ფენით იყო დაფარული, ჩანს გალავანზე ქვის საძირკვლის მქონე ხის ნაგებობა ყოფილა მიდგმული. ციხე ნაგებია კირქვით, კირის ხსნარზე.