ხრესილი

სოფელი ხრესილი იმერეთის მხარეში, ტყიბულის მუნიციპალიტეტში მდებარეობს, ზღვის დონიდან 390 მეტრზე. წერილობით წყაროებში იგი პირველად XVII საუკუნეში იხსენიება. 1757 წელს სოფლის მიდამოებში გაიმართა ბრძოლა ოსმალებსა და ქართველებს შორის. ხრესილი ლამაზი ბუნებითა და ფლორისა და ფაუნის მრავალფეროვნებით ხასიათდება. სოფლის ტერიტორიაზე გვხვდება: მუხა, წიფელი, ნეკერჩხალი, თელა, ფიჭვი, მურყანი, წაბლი, ძელქვა და ა.შ. აქაურ ტყეებში ბინადრობენ: მაჩვი, კურდღელი, მელა, თხუნელა, ტურა, კვერნა, მგელი, მურა დათვი და სხვა. ხრესილში ფუნქციონირებს საექიმო ამბულატორია, საჯარო სკოლა და საბავშვო ბაღი. სოფელში ცხოვრობს 274 ადამიანი.