კიკეთი - ასურეთი

ველობილიკი იწყება თბილისი - მანგლისის გზაზე, კიკეთის გადასახვევთან. იგი გაივლის კიკეთს და სატყეო გზით ეშვება ასურეთის მიმართულებით. GPS ტრეკზე მითითებულია გადასახედი, რომელიც კიკეთთან ახლოს მდებარეობს. სულ რამდენიმე ასეული მეტრი დაგჭირდებათ ამ ადგილამდე მისასვლელად. აქედან იშლება ულამაზესი ხედი ქვემო ქართლზე. გადასახედიდან ისევ უკან დაბრუნება და გზის გაგრძელება მოგიწევთ. ამ ადგილიდან ველობილიკი ძველ სატყეო გზას მიუყვება. მარშრუტზე აღმართები თითქმის არ შეგხვდებათ, რადგან ასურეთამდე სულ დაღმართია. ქედიდან დაშვების შემდეგ მარშრუტი გადის უზარმაზარ მინდორს და სრულდება ასურეთში, თბილისი - თეთრიწყაროს დამაკავშირებელ გზაზე.

მარშრუტის უმეტესობა სატყეო გზაზე გადის და შესაბამისად რეკომენდებულია სამთო ტიპის ველოსიპედის გამოყენება.

⚠️ გაფრთხილება – საშიში მონაკვეთი

❗ ყურადღება!

მოცემულ მონაკვეთზე დაფიქსირებულია მიწის გაბზარვა და ფერდობის დესტაბილიზაცია, რაც ქმნის ჩამოშლისა და მეწყერის რეალურ საფრთხეს:

https://maps.app.goo.gl/khRVrN2FevmALpsV9?g_st=ic

➡️ აღნიშნულ ადგილზე გავლა განსაკუთრებით საშიშია:

• ძლიერი წვიმის შემდეგ

• ქარისა და ვიბრაციის დროს

• ღამით და ცუდი ხილვადობის პირობებში

🚫 გთხოვთ, თავი შეიკავოთ გზის ამ მონაკვეთის გამოყენებისგან და აირჩიოთ ალტერნატიული მარშრუტი.

⚠️ უსაფრთხოება თქვენი პასუხისმგებლობაა.