ლეირაყის ჩანჩქერი

მესტიის მუნიციპალიტეტი, სოფელი ნაკრა

ლეირაყის ჩანჩქერი — ერთ-ერთი ყველაზე შთამბეჭდავი და ულამაზესი ჩანჩქერი სვანეთში. იგი კიბისებური ფორმისაა და ხუთ საფეხურს მოიცავს, რომელთაგან ოთხი თვალნათლივ ჩანს, ხოლო მეხუთე — ზედა ნაწილშია დამალული.

ჩანჩქერის მოპირდაპირე მხარეს, კლდოვან მასივზე, ჩამოედინება კიდევ ერთი მდინარე, რომელიც ასევე ჩანჩქერის ფორმას ქმნის. ეს ორი ჩანჩქერი ზუსტად ერთ წერტილში ერთვის მდინარე ნაკრა-ჭალას, რაც ადგილს განსაკუთრებულ შარმსა და უნიკალურობას ანიჭებს.

ჩანჩქერთან მისასვლელი მანძილი სოფლის ცენტრიდან დაახლოებით 12 კილომეტრია. გადაადგილება შესაძლებელია მაღალი გამავლობის ავტომობილით. ვთავაზობთ მომსახურებას Mitsubishi Delica 4×4-ით, რაც უზრუნველყოფს უსაფრთხო და კომფორტულ მგზავრობას რთულ რელიეფზე. საბოლოო მონაკვეთში დაგჭირდებათ დაახლოებით 2.7 კილომეტრის გავლა ფეხით. სურვილის შემთხვევაში, შესაძლებელია ცხენით გადაადგილებაც.

ლეირაყის ჩანჩქერის საერთო სიმაღლე დაახლოებით 150 მეტრს აღწევს. ეს ადგილი გამორჩეულია თავისი ბუნებრივი სილამაზით და დაუვიწყარ შთაბეჭდილებას ტოვებს ყველა მნახველზე