ლეშამგეს ეკლესია

ლეშამგეს ეკლესია სამეგრელოში, წალენჯიხის მუნიციპალიტეტის სოფელ ლეშამუგეში მდებარეობს. იგი შუა საუკუნეების დარბაზული ნაგებობაა, აღმოსავლეთით ნახევარწრიული შვერილი აფსიდით. ტაძრის დასავლეთ, სამხრეთ და ჩრდილოეთ კედლებში ორ-ორი სარკმელია გაჭრილი, აღმოსავლეთის აფსიდში კი - სამი. ფასადები სრულიად მოურთველია. ეკლესიას ორი შესასვლელი აქვს, დასავლეთითა და სამხრეთით, ორივე შესასვლელი არქიტრავულია. ტაძარს მესამე შესასვლელიც ჰქონია - ჩრდილოეთიდან, რომელიც ამჟამად ამოშენებულია. ნაგებობა ერთსაფეხურიან ცოკოლზე დგას და ნაგებია ნახევრად დამუშავებული ქვით.