ლუკოილი

შპს ლუკოილ-ჯორჯია არის ბენზინგასამართი სადგურების ერთ-ერთი უძველესი კომპანია საქართველოში. ის ქართულ ბაზარზე 2002 წელს შემოვიდა და მას შემდეგ მთელი ქვეყნის მასშტაბით ათასობით მძღოლის ნდობა მოიპოვა.

ლუკოილს აქვს კეთილმოწყობილი ბენზინგასამართი სადგურები; გთავაზობთ ხარისხიან მომსახურებას და პროდუქტებს საქართველოს თითქმის ყველა რეგიონში. ლუკოილის სადგურებზე შეთავაზებული საწვავის პროდუქტები ექსკლუზიურად ევროპული სტანდარტების მიხედვით იწარმოება ბულგარეთში, ლუკოილის თანამედროვე ნავთობგადამამუშავებელ ქარხანაში.

ლუკოილის ბენზინგასამართ სადგურებზე ხელმისაწვდომი პროდუქტებია: Ecto Super; Ecto Premium Avantgarde; Ecto Euro Diesel; ევრო რეგულარი.

თითქმის ყველა სადგურზე შეგიძლიათ ბარათით გადახდა, თუმცა მაღალმთიან რეგიონებში და ზოგიერთ დიდ სოფელში სასურველია თან იქონიოთ ნაღდი ფული, რათა ტერმინალის არ არსებობის შემთხვევაში მოახდინოთ ანგარიშსწორება. ლუკოილის ყველა სადგურზე ფასები ერთნაირია, თუმცა რეგულარის ფასი შეიძლება განსხვავდებოდეს +/- 5 თეთრით.

ლუკოილის საწვავის სადგურებს აქვთ სველი წერტილი, თუმცა უნდა აღინიშნოს, რომ ტუალეტები შეიძლება ყოველთვის არ იყოს ღია.

ყველა სადგური არ გვთავაზობს ზემოთ აღწერილი მომსახურების სრულ ჩამონათვალს, ამიტომ გთხოვთ წინასწარ შეამოწმოთ, ახლომდებარე სადგური გთავაზობთ თუ არა თქვენთვის სასურველ მომსახურებას.