მეზირის მთავარანგელოზების ეკლესია

მეზირის მთავარანგელოზების ეკლესია - XI საუკუნის დარბაზული ტიპის ეკლესია - ,,მეზრათარგლეზერ“ მეზურის მთავარანგელოზი. მდებარეობს მესტიის მუნიციპალიტეტში, ბეჩოსა და ეცერის თემების საზღვარზე, ტვებიშის თავზე, მეზირის მთაზე, ბუნებრივი მეზირის ტბის ახლოს, შემაღლებულ ფერდობზე, ზღვის დონიდან 2285 მეტრზე.

მეზურის მთა უძველესი დროიდან ითვლებოდა წმინდა მთად. ამ მთასთანაა დაკავშირებული თავისი რელიგიური არსით ერთმანეთთან მჭიდრო კავშირში მყოფი ძველი საგალობლები,,ლილე“ და,,ბარბალდოლაში“, რომელიც მეზრობის დღეობას მეზურის მთა უძველესი დროიდან ითვალებოდა წმინდა მთად.

მეზირის მთის სახელწოდება მომდინარეობს სიტყვა 'ლიმზირისაგან', რაც ლოცვას ნიშნავს, 'მემზირ' კი 'მლოცველს'.

მეზირის ტბა მდებარეობს მთავარანგლოზის ეკლსიიდან 15-20 მეტრში. გადმოცემით ეკლესიის გვერდით ძველად საბერიო სენაკებიც ყოფილა, სადაც რამდენიმე ბერი ცხოვრობდა. ბერები მეტად შეუწუხებია უწყლობას. წყაროებით და პატარა მდინარეებით მდიდარ სვანეთში, სწორედ მეზირის მთა ყოფილა გამონაკლისი მახლობლად სასმელი წყალი არსად მოიპოვებოდა ერთხელაც ღმერთს შეუსმენია ბერების ლოცვა და დილისთვის ეკლესიის მახლობლად ტბა გაუჩენია. მოსახლეობა ერიდებოდა ამ ტბის დაბინძირებას, ვინაიდან მათი აზრით ტბის წაბილწვა ღვთის რისხვას გამოიწვევს რისი გამოხატულება - აუცილებელი გაავდარებაა. ამ ტბებთან იკრძალება ჩხუბი, აყალმაყალი, წყალში შესვლა, ტბაში რაიმე ნივთის თუნდაც ქვის ჩაგდება და სხვა.