დაამატე ნებისმიერი ტურისტული ადგილი ან აქტივობა

company-940-x-788-3-1
გაყიდე ტურისტული მომსახურება

განათავსეთ საკუთარი ტურისტული შეთავაზებები ჩვენს პლატფორმაზე და გააცანით თქვენი მომსახურება ათიათასობით მოგზაურს სრულიად უფასოდ.

დეტალურად
for-contributors
დაამატე ინფორმაცია უცნობი ადგილების შესახებ

Georgian Travel Guide გაძლევთ საშუალებას დაამატოთ ინფორმაცია უცნობი ადგილების შესახებ. გაიცანი და გააცანი #უცნობისაქართველო საქართველოსა და მსოფლიოს

დეტალურად
for-guides
თუ ხარ გიდი, გააცანი შენი თავი მოგზაურებს

თუ ხარ გიდი და გსურს გქონდეს უშუალო კავშირი მომხმარებლებთან ყოველგვარი შუამავალი კომპანიების გარეშე, დაამატე ინფორმაცია შენ შესახებ და გააცანი საკუთარი თავი მოგზაურებს.

დეტალურად

მუშთაიდის ბაღის შესახებ

საუკეთესო პერიოდი: ყველა სეზონი

მუშთაიდის ბაღი თბილისში, ბარათაშვილისა და ცაბაძის ქუჩების კვეთაზე მდებარეობს. იგი ერთ-ერთი პოპულარული ადგილია თბილისში. ბაღი კეთილმოწყობილია და შესანიშნავია დასვენებისა და განტვირთვისთვის. აქ მრავალი გასართობი და ატრაქციონია მოწყობილი ბავშვებისთვის და შეძლებთ ხალისიანად გაატაროთ დრო ოჯახთან ერთად. მუშთაიდის ბაღის ერთ-ერთი განსაკუთრებული ატრაქციონი საბავშვო მატარებელია, რომელიც წრიული მარშრუტით ულამაზეს ბაღს მოგატარებთ. აქვეა აბრეშუმის მუზეუმიც, სადაც მეაბრეშუმეობასთან დაკავშირებული მრავალფეროვანი კოლექციაა დაცული, რომელიც მოიცავს როგორც ადგილობრივად წარმოებულ, აგრეთვე მსოფლიოს 61 ქვეყნიდან შემოსულ ექსპონატებს. ბაღის ტერიტორიაზე მდებარეობს მოძრაობის თეატრიც, სადაც საინტერესო სპექტაკლების ნახვას შეძლებთ. იგი ჟანრების თეატრია და თანამედროვე ცეკვას, მიმოდრამას, აკრობატიკას, პანტომიმას, ფიზიკურ თეატრს, ბალეტს, საბრძოლო და საცირკო ელემენტებს, ფოლკლორს და საავტორო მუსიკას აერთიანებს. აქვე იპოვნით რესტორნებსაც, სადაც სასიამოვნო გარემო დაგხვდებათ. ბაღის კიდევ ერთი ღირსშესანიშნაობაა რელიქტური ხის - ძელქვის კორომი, რომელიც განსაკუთრებულ ხიბლს სძენს მას. პარკს ყოველდღიურად უამრავი ადამიანი სტუმრობს, აქ გაიგონებთ ბედნიერებისა და ბავშვური უზრუნველობის ხმებს.


ისტორია

მუშთაიდის ბაღი ერთ-ერთი უძველესი ბაღია თბილისში. იგი XIX საუკუნის 30-იან წლებში დაარსდა. ბაღი გააშენა ირანიდან გამოქცეულმა მირ ფეთეაღა სეიდ თავრიზმა, რომელიც აზერბაიჯანში ირანის შიიტების რელიგიური ლიდერი - მუჯთაჰიდი იყო. მას დასასახლებლად თბილისი ქართველი ცოლის გამო აურჩევია. ამავე ბაღშია დაკრძალული მისი მეუღლე. 1853 წლიდან ბაღი სახაზინო საკუთრება გახდა და აქ სისტემატურად ეწყობოდა სახალხო სეირნობები, გამოფენები და სპექტაკლები. 1887 წელს ბუნებისმეტყველის, ნიკოლოზ შავროვის ხელმძღვანელობით ბაღის ტერიტორიაზე კავკასიის მეაბრეშუმეობის სადგური დაარსდა. კომკლექსის დიდი ნაწილი დროთა განმავლობაში დაინგრა, შემორჩენილია მთავარი შენობა, სადაც ამჟამად აბრეშუმის მუზეუმია განთავსებული. მას ეროვნული მნიშვნელობის კატეგორიის კულტურის უძრავი ძეგლის სტატუსი აქვს. 1935 წელს მსოფლიოში პირველი საბავშვო რკინიგზა ამოქმედდა. ბაღში მოქმედებდა თეატრი, ღია ესტრადა, კაფე-რესტორანი, გარდა საბავშვო რკინიგზისა ფუნქციონირებდა სხვადასხვა ატრაქციონი. მუშთაიდის ბაღი დღემდე ინარჩუნებს აქტუალობას. კეთილმოწყობილი და მრავალფეროვანი ბაღი ნებისმიერი ასაკის ადამიანისთვის შესანიშნავი ადგილია დასასვენებლად და გასართობად.

თეგები: #ბუნება #ბაღი #პარკი

ახლოს მდებარე ტურები

რუკა

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე მუშთაიდის ბაღი

საშინელი!

ცუდი!

კარგი!

ძალიან კარგი!

შესანიშნავი!