პაპანწყვილის ტბა

პაპანწყვილის ტბა სამეგრელოში, ხობის მუნიციპალიტეტში, სოფელ ხეთში მდებარეობს, ზღვის დონიდან 65 მეტრზე. იგი კარსტული ტბაა. წყლის ზედაპირის ფართობია 0,62 ჰა, მაქსიმალური სიღრმე კი - 7 მეტრი. ტბა გამდინარეა და საზრდოობს წვიმისა და მიწისქვეშა წყლით. პაპანწყვირის ტბა ერთ-ერთი შესანიშნავი ადგილია ბუნებაში განტვირთვის მოყვარულთათვის. გამწვირვალე, მოლივლივე ლურჯი წყალი და მწვანე ფიჭვნარი ულამაზეს სანახაობას ქმნის. ტბა სოფლის განაპირას მდებარეობს და მიდის სამანქანო გზა, ასე რომ აქ მოხვედრა ძალიან მარტივია. აქ შეგიძლიათ მოაწყოთ პიკნიკი მეგობრებთან თუ ოჯახთან ერთად, ან უბრალოდ ბუნების სიმშვიდეში გაისეირნოთ და დაისვენოთ. შესანიშნავი ხედები, ტყე, ხავერდოვანი მინდვრები, სუფთა ჰაერი და ლურჯი ტბა მრავალ მნახველს იზიდავს.