რთველი და ვახშამი ძმები ხუციშვილების მარანში

გსურს მონაწილეობა მიიღო ნამდვილ რთველში? მოკრიფე ყურძენი შენი ხელით, დაწურე ტრადიციული ქართული მეთოდით საწნახელში და შეიგრძენი ქართული უძველესი ტრადიციები ! კახური სუფრა კი რთველის ყველაზე ხალისიანი გაგრძელებაა.

ძმები ხუციშვილების მარანი, რომელიც მდებარეობს კახეთში, სოფელ კისისხევში, მზად არის გიმასპინძლოთ და შეგიქმნათ სართვლო განწყობა. ჩვენთან რთველში მონაწილეობა სექტემბრის დასაწყისიდან ოქტომბრის ბოლომდეა შესაძლებელი. თქვენ გაქვთ შესაძლებლობა დაკრიფოთ ყურძენი ჩვენს სამამულო ვენახში, და შემდეგ დაწუროთ ტრადიციული ქართული წესით საწნახელში.

კახეთში რთველი წარმოუდგენელია მწვადისა და შოთის გარეშე. არც ჩვენი რთველია გამონაკლისი და ყურძნის დაწურვის შემდეგ გთავაზობთ უგემრიელეს კახურ სამზარეულოს: მწვადი წალამზე, მჟავე, ყველი, დედას პური, მოხარშული დედალი და ყველაზე უგემრიელესი ლობიო ქოთანში. თქვენ ასევე დააგემოვნებთ, საუკეთესო ქვევრის ღვინოებს, ორსაუკუნოვან საოჯახო მარანში.

რას ელოდები!? შეკრიბე მეგობრები და გვეწვიე რთველში. აივსე ემოციებით, სიხარულით, ივახშმე განახლებულ ვერანდაზე, ეზიარე კახური სუფრის საოცრებას და შეიქმენი დაუვიწყარი მოგონებები ჩვენთან ერთად!