საგურამო - ზედაზენი

ველოტური იწყება თბილისთან ძალიან ახლოს, საგურამოს გადასახვევიდან. გაივლის სოფელ საგურამოს და ადის ზედაზენის მონასტერში, ზღვის დონიდან 1170 მეტრზე. თავიდან გზა ასფალტიანია, სოფლის შემდეგ კი გრძელდება გრუნტიანი მოქმედი სამანქანო გზა. მანძილი მოკლეა მაგრამ ძალიან დიდი აღმართებია, შეიძლება ველოსიპედის ხელით ტარებაც მოგიწიოთ, მაგრამ სამაგიეროდ უკანა გზაზე გაერთობით. ახალ ნაწვიმზე ამ ველო მარშრუტის გავლა არ არის რეკომენდებული, რადგან გზად შეგხვდებათ საკმაოდ დიდი ტალახი რაც შეუძლებელს გახდის ველოსიპედით გადაადგილებას.

რეკომენდებულია სამთო (MTB) ველოსიპედის გამოყენება, რადგან გზის 40 % გრუნტიანია.