შავნაბადა - კრწანისი

მარშრუტი იწყება ქვემო თელეთში, თბილისი - თეთრიწყაროს გზაზე. თავიდან საკმაოდ რთულ აღმართს მივყავართ შავნაბადას მონასტრისაკენ, თუმცა გზა ასფალტიანია რაც ამარტივებს გადაადგილებას. შავნაბადას მონასტერთან შეგიძლიათ შეისვენოთ, დატკბეთ ულამაზესი ხედებით თბილისზე და შემდეგ დაეშვათ კრწანისის მიმართულებით. ქედის ამ მხარეს რამდენიმე სატყეო გზა ჩამოდის, აუცილებლად გამოიყენეთ GPS ტრეკი რომ სწორ გზას დაადგეთ, რადგან ზოგიერთმა გზამ შეიძლება ჩიხში შეგიყვანოთ და გამოსასვლელის ძებნაში ბევრ დროს დაკარგავთ. 

ეს ველობილიკი გამოირჩევა ხედებით თბილისზე. გზის ნახევარი გრუნტიან გზას მიუყვება რის გამოც რეკომენდებულია სამთო ველოსიპედის გამოყენება.