სიღნაღის 9 აპრილისა და მეორე მსოფლიო ომის მემორიალები

სიღნაღის 9 აპრილისა და მეორე მსოფლიო ომის მემორიალები კახეთში, ქალაქ სიღნაღში მდებარეობს. ისინი გვერდიგვერდაა განლაგებული. მეორე მსოფლიო ომის მემორიალი რელიეფურ კედელს წარმოადგენს, რომელზეც ომში დაღუპულთა სახელები წერია. კედელზე ასევე გამოსახულია მებრძოლთა და ქალაქის არქიტექტურის რელიეფები. სიღნაღის რაიონიდან მეორე მსოფლიო ომის დროს ძალიან ბევრი ადამიანი დაიღუპა. კედლის წინ დაუმუშავებელი ლოდი დევს, იგი 1989 წლის 9 აპრილს ტრაგიკულად დაღუპულთა მემორიალია. 1989 წლის 9 აპრილს საბჭოთა არმიამ ]ნტი-საბჭოთა, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია დაარბია, დარბევის შედეგად 21 ადამიანი დაიღუპა და ასობით დაიჭრა.