სკიჯის სახლი

სასტუმრო სკიჯის სახლი, თანამედროვე დიზაინითაა გარემონტებული ტრადიციული, სოფლისთვის დამახასიათებელი ინტერიერითა და ავეჯით: ხუთი საძინებელი, სასადილოები, ღია აივნები, სველი წერტილები. ეზოში გურული „ქუხნა“ შუაცეცხლითა და კეცებით.
სახლთან ახლოს (200 მეტრში) ჩამოდის პატარა მდინარე „ლუგუბა“ ბუნებრივი „ჯაკუზით“ ე.წ. - ჭურისწყალათი. 400 მეტრში კი დიდი მდინარე „გუბაზოული“, ლამაზი სანაპიროთი და საბანაოებით. ამავე სოფელშია ნოდარ დუმბაძის, მოსე გოგიბერიძის, ანა კალანდაძის სახლ-მუზეუმები; 7 კმ-ის რადიუსში რამდენიმე ეკლესია-მონასტერი (უდაბნოს მამათა მონასტერი, ერკეთის დედათა მონასტერი, გორთაფონის მამათა მონასტერი, სამების ეკლესია, ჭაჭიეთის,
ეკლწსია, ზენობანის ეკლესია...) რამდენიმე კილომეტრში კი კურორტები - ნაბეღლავი და ბახმარო, შავი ზღვის სანაპირო.
ტურისტებს ვთავაზობთ: საფეხმავლო და კულტურულ ტურებს; თევზაობას; სხვადასხვა საოჯახო საქმიანობაში მონაწილეობას: ტრადიციული კერძების მომზადება, ღვინის დაყენება, არყის გამოხდა, ჩირის გაშრობა, ყველის ამოყვანა, ჯანჯუხის ამოვლება, და ა.შ.
სასტუმრო მოემსახურება მსგავსი სერვისით დაინტერესებულ როგორც უცხოელ, ისე ქართველ ტურისტებს.
თქვენ გელოდებათ - გურიის უნიკალური სოფელი ხიდისთავი, მისი მთები, მდინარეები, ტყეები, მუზეუმები, მონასტრები... და ეს ყველაფერი ერთად ბახმაროს მთის ძირში ჩაფლული ზღაპრული სამყაროდან.