თარაქის ვედრებელას წმ. გიორგის ეკლესია

ნასოფლარ თარაქის გუმბათიანი წმ.გიორგის ეკლესია "ვედრებელა" ( თარაქის “ვედრებელა”) დგას სოფ. მანავისა და ბურდიანის ჩრდილოეთით ,ნასოფლარ თარაქის ტერიტორიის ჩრდილო-დასავლეთით 1,5-2 კმ-ზე, მანავის ცივის მთის ტყით დაფარული ერთ-ერთი ფერდის, გავაკებულ წვერზე. .

ვარაუდით XVI ს. მიაკუთვნებენ (ლ. მელექსეთ-ბეგი, გ.ჩუბინაშვილი) ვედრების წმ.გიორგის ეკლესიას სოფ. თარაქის ზემოთ, ტყეში. (თარაქი სოფ. მანავის მახლობლადაა და საგარეჯოს რაიონში შედის, ე.ი. ეს გარეკახეთია). ლ. მელექსეთ-ბეგის ცნობით მას "ვედრებელას" ეძახდნენ ფშაველნი, რომელნიც წელიწადში ერთხელ, საქონლის გადარეკვის დროს გარე-კახეთიდან ცივის მთაზე, ამ ეკლესია მსხვერპლს სწირავდნენ.