თეთრიწყაროს "ციყვების პარკი"

თეთრიწყაროს "ციყვების პარკი" ქვემო ქართლის მხარეში, ქალაქ თეთრიწყაროში, თამარ მეფის ქუჩაზე მდებარეობს. იგი ქალაქის ერთ-ერთი საუკეთესო ადგილია დასვენებისა და განტვირთვისთვის. პარკში მოწყობილია სასეირნო ბილიკები, დასასვენებელი სკამები, სათამაშო მოედანი, სპორტული და საბავშვო ატრაქციონები და პატარა შადრევანი. ბაღი მთლიანად მწვანეშია ჩაფლული, რაც ძალიან მიმზიდველ გარემოს ქმნის. აქ შეგიძლიათ მშვენიერი დრო გაატაროთ, როგორც მეგობრებთან, ასევე ოჯახთან ერთად. მრავალწლოვანი ხეები, სუფთა ჰაერი, ლამაზი მოლი და კეთილმოწყობილი ინფრასტრუქტურა "ციყვების პარკს" თეთრიწყაროს ერთ-ერთ სასიამოვნო ადგილად აქცევს.