ცხვრის საგაზაფხულო გადარეკვა თუშეთში

ბატკნების გაჩენის შემდეგ ცხვარს გადარეკავენ მთის საძოვრებზე, ალპურ ზონაში, რომლებიც საერთოდ არ არის შემოღობილი. ტერიტორიიდან გამომდინარე, გადარეკვას შეიძლება ერთ კვირაზე მეტი დასჭირდეს, რაც ძალიან მძიმე სამუშაოა. ეს ტური ძალიან მრავალფეროვანია, ულამაზესი ნახევრადუდაბნოები ზამთრის საძოვრების პეიზაჟებით, კავკასიონის ხედები ალაზნის ველები და თუშეთის ულამაზესი მთები.

ეს ტური გთავაზობთ უნიკალურ გამოცდილებას, ეზიაროთ მეცხვარის პროფესიას და მიიღოთ მონაწილეობა თუში მეცხვარეების მიერ ცხვრის გადარეკვაში. ეს არის თავგადასავალი, რომელიც საშუალებას აძლევს მონაწილეს, განიცადოს ორი სრულიად განსხვავებული ეროვნული პარკის ბუნება და იგრძნოს მეცხვარის სული. ეს მოგზაურება უდიდეს შთაბეჭდილებას დატოვებს თქვენზე. უდავოა, რომ უნიკალური სანახავია ათასობით ცხვარი, რომლებიც სახლში ბრუნდება, ზამთრის დაბლობში გატარების შემდეგ. ცხვრის გადარეკვისას, ფარას მისდევს 10-ზე მეტი მწყემსი ცხენებით და ვირებით!

გთხოვთ გაითვალისწინეთ. რომ როგორც მონაწილეები, თქვენ უერთდებით ყოველწლიურ ტრადიციას და არა პერსონალურ ტურს. ამიტომ აუცილებელია კარგი ფიზიკური ჯანმრთელობა და გუნდურად მუშაობის უნარი. თქვენ გახდებით მწყემსების გუნდის წევრი, მზად იყავით რომ ყოველდღე მოგიწევთ ფეხით დიდი მანძილის დაფარვა მწყემსებთან და ცხვრებთან ერთად.

მოგზაურობის დღეების რაოდენობა შეიძლება ცვალებადი იყოს მოგზაურთა ინტერესებიდან და ხელმისაწვდომი დროიდან გამომდინარე, მაგალითად, მოგზაურებს შეუძლიათ მონაწილეობა მიიღონ მხოლოდ დაბლობში, ზამთრის საძოვრებიდან ალვანის ხეობამდე, რასაც, როგორც წესი, ერთი კვირა მაინც სჭირდება. ასევე აბანოს გადაკვეთის ნაწილი, რომელიც დაახლოებით 5 დღის განმავლობაში გრძელდება, მაგრამ შეუძლებელია იგივე ცხვრის თანხლება, რადგან ისინი ალვანში ჩასვლიდან მინიმუმ ერთკვირიან შესვენებას იღებენ ვაქცინაციისთვის და მთის სეზონისთვის ცხვრის მოსამზადებლად.