წუნდის ტბა

წუნდის ტბა სამცხე-ჯავახეთის მხარეში, ასპინძის მუნიციპალიტეტში მდებარეობს, ზღვის დონიდან 1539 მეტრზე. წყლის ზედაპირის ფართობი 0,034 კმ²-ა, უდიდესი სიღრმე კი - 10,8 მ. ტბა საზრდოობს თოვლის, წვიმისა და მიწისქვეშა წყლით, იგი გაუდინარი და მტკნარია, ნაპირებისკენ შემოუყვება ლელიანი. ტბის ქვაბული წარმოქმნილია ახალქალაქის ლავური პლატოს დასავლეთი პერიფერიის დამეწყვრის შედეგად მდინარე მტკვრის ხეობაში. ულამაზესი გარემო და გაშლილი ხედები ძალიან მიმზიდველს ხდის წუნდის ტბას ბუნებისა და ხეტიალის მოყვარულთათვის. ტბასთან ახლოს შეგიძლიათ მოინახულოთ თმოგვის ციხე, რომელიც ერთ-ერთი შთამბეჭდავი ძეგლია საქართველოს სათავდაცვო ნაგებობათა შორის.