XCaucasus Paragliding

პარაგლაიდინგი ეს არის ექსტერმალური სპორტის ერთ-ერთი სახეობა, რომელსაც არც თუ ისე დიდი ისტორია აქვს. ის მე-20 საუკუნის 70-იან წლებში ევროპაში იღებს სათავეს და დღემდე უფრო და უფრო უსაფრთხო და პოპულარული ხდება მსოფლიოს მასშტაბით. გამონაკლისი არც საქართველოა

ჩვენი ქვეყანა კი, მისი მთიანი რელიეფით, პარაგლაიდინგის განვითარების მხრივ ერთ-ერთი საუკეთესო ადგილია მსოფლიოში. კავკასიონის მთათა სისტემა და ბუნებრივი კლიმატი პარაგლაიდინგის, როგორც სპორტის განვითარების ძალიან დიდ პოტენციალს იძლევა.

და ამიტომაც გადავწყვიტეთ რამოდენიმე ახლო მეგობარმა რომლებსაც პარაგლაიდინგით ფრენის სიყვარული გავერთიანებდა შეგვექმნა პარაგლაიდინგის განვითარების და პოპულარიზაციის კლუბი Xcaucasus-ი და მიზნად დავისახეთ ამ სპორტის კიდევ უფრო განვითარება სხვა კლუბების პარალელურად.

ჩვენი მიზანი

ჩვენი მიზანია ამ სპორტის როგოც აკადემიური ასევე სპორტული თუ კომერციული მიმართულებით ხელშეწყობა. დავაკავშიროთ პარაპლანით ფრენით დაინტერესებული ადამიანები Xcaucasus-ის ი/მ ტანდემ პილოტებს და ვიზრუნოთ მათი ფრენის უსაფრთხოებაზე და კომფორტზე.უფრო მეტად მოვახდინოთ პარაგლაიდინგის ტურისტულ ბიზნესში ჩართულობა და ხელი შევუწყოთ ი/მ ტანდემ პილოტების სწორხაზოვანი ბიზნესის ჩამოყალიბებას ასევე პარაგლაიდინგით ფრენის შესწავლით დაინტერესებულ მსურველებს დავეხმაროთ დავაკავშიროთ პროფესიონალ ინსტრუქტორებს და რაც შეიძლება მეტი პროფესიონალი პილოტი აღვზარდოთ.