ზემო კრიხის მთავარანგელოზის ეკლესია

ზემო კრიხის მთავარანგელოზის ეკლესია რაჭაში, ამბროლაურის მუნიციპალიტეტის სოფელ ზემო კრიხში მდებარეობს. იგი X-XI საუკუნეებით თარიღდება. ეკლესია დარბაზულ ნაგებობას წარმოადგენს, აღმოსავლეთით ხუთწახნაგოვანი შვერილი აფსიდით და სამხრეთის მინაშენით. ტაძარი გამოირჩევა უხვი და დახვეწილი მორთულობით. ინტერიერში შემორჩენილია მოხატულობის ნაშთები, რომელიც XI საუკუნის კედლის მატვრობის შესანიშნავ ნიმუშს წარმოადგენს. ჩუქურთმები გვხვდება, როგორც ექსტერიერში, ასევე ინტერიერში. განსაკუთრებულად შემკულია კარიბჭე და სამწირველოს სარკმელი. ყურადღებას იქცევს ეკლესიის ინტერიერში, საკურთხევლის კედელზე გამოსახული დათვისა და ორი ბელის რელიეფური გამოსახულებები. ტაძარი ნაგებია სუფთად თლილი ქვით. ზემო კრიხის მთავარანგელოზის ეკლესია თავისებური არქიტექტურით, უნიკალური მორთულობითა და ფრესკებით ქართული კულტურის ერთ-ერთი მნიშვნელოვანი და საყურადღებო ძეგლია.